| e-texts navigator |
| Wylie |
317a1 ཀུན་རང་དང་སྤྱིའི་འཕགས་པས།། མ་སྐྱེས་ཐམས་ཅད་མཁྱེན་པའི་དོན།། རྣམ་པ་ཀུན་ལྡན་སྟོང་པར་སྣང་།། དེ་ཕྱིར་སྐུ་གསུང་ཐུགས་སུ་སྣང་།། དངོས་ཀུན་གཅིག་དང་དུ་མ་བྲལ།། མཐའ་གསུམ་དང
317a2 ནི་བཞི་བྲལ་ལུགས།། ཁྱད་པར་ཅན་གྱིས་དེ་ཉིད་མཐོང་།། དེ་ཡང་མ་སྤངས་བྲལ་བར་བརྗོད།། རྨོངས་པའི་ཕྱིར་ན་གཏི་མུག་ལ།། མནར་སེམས་པ་ནི་ཞེ་སྡང་ཆེ།། མངོན་པའི་ཁེངས་པས་ང་རྒྱལ་ལ།། ཀུན་ནས
317a3 གདུང་བས་འདོད་ཆགས་ཡིན།། གཞན་མི་ཤོང་བས་ཕྲག་དོག་ཉིད།། ཡོངས་སུ་རྫོགས་པས་སྟོང་བདག་མེད།། དེ་ཉིད་མ་འདྲེས་ཡོངས་རྫོགས་ན།། མ་བཅོས་དེ་བཞིན་ཉིད་ཁོ་ན།། གཏི་མུག་མི་རྟོག་ཞེ་སྡང
317a4 གསལ།། ང་རྒྱལ་ཆོས་ལ་སྲན་ཚུགས་ཤིང་།། འདོད་ཆགས་བདེ་བ་ཆེན་པོ་ཉིད།། ཕྲག་དོག་ལྟ་ངན་མི་ཤོང་བ།། དུག་ལྔ་ལམ་དུ་ཤེས་པར་བྱ།། གཉིད་ལོག་རྨི་ལམ་སངས་རྒྱས་འགྲུབ།། ལྟ་བའི་ང་རྒྱལ་ཏིང་འཛིན
317a5 བསྒོམ།། འདོད་ཆགས་གསང་དབང་རྩ་བ་ཉིད།། ལྟ་ངན་འཇོམས་པའི་ཕྲག་དོག་ལ།། གསང་སྔགས་སངས་རྒྱས་རིགས་ལྔས་འགྲུབ།། ཉོན་མོངས་མ་འདྲེས་ཡེ་ཤེས་ལྔ།། རང་བྱུང་ཡེ་ཤེས་གཅིག་ཏུ་རྫོགས།། ཀུན
317a6 ལ་དེ་ལྟར་འབྱོར་པར་རྟོགས།། རྣམ་པར་དབྱེ་བར་བྱ་བ་ནི།། འཁོར་བ་མྱ་ངན་འདས་པར་བྱེད།། གླིང་གྲངས་རྒྱས་པ་སྟོང་གསུམ་དང་།། གླིང་གཅིག་དབུ་ཞབས་ཁམས་གསུམ་དང་།། སྲིད་པ་གསུམ་དང་ཕོ་མོ
iiif viewer powered by OpenSeadragon
