| e-texts navigator |
| Wylie |
314b1 པོར་གཏན་ལ་འབེབས་པ་འདི་འགྲོ་བའི་ཆེད་དུ་གསུངས་སོ།། དག་པ་གསུམ་དང་དག་པ་བཞིས།། སྣང་བ་མི་སྤང་འབྲས་བུར་བྱེད།། སྣོད་བཅུད་རྒྱུད་རྣམས་དག་རྟོགས་པས།། འབྱུང་བ་ཆེན་པོ་རྣམ་ལྔ་པོ།། དཀྱིལ
314b2 འཁོར་ཆོས་ཀྱི་དབྱིངས་སུ་དག། ཕུང་པོ་ལྔ་རུ་སྣང་བའི་བཅུད།། སངས་རྒྱས་རིགས་ལྔའི་དཀྱིལ་འཁོར་དག། ཤེས་པའི་རྒྱུད་ནི་རྣམ་ཤེས་རྣམས།། རང་བྱུང་སྲས་ཀྱི་དཀྱིལ་འཁོར་དག། སྣང་བ་ལྷ་ཡི་དཀྱིལ་འཁོར
314b3 རྟོགས།། རྒྱུ་འབྲས་ཀུན་རྫོབ་དོན་དམ་དག། འཁོར་རྒྱུ་ཉོན་མོངས་རྣམ་པ་ལྔ།། ཡེ་ཤེས་ཆེན་པོ་ལྔ་རུ་དག། འབྲས་བུ་སྨིན་པའི་ཕུང་པོ་ལྔ།། དམ་རྫས་རྒྱལ་བ་རིགས་ལྔར་དག། ཀུན་རྫོབ་སྣང་བའི་དངོས་པོ
314b4 རྣམས།། ཡེ་ཤེས་སྒྱུ་མའི་དཀྱིལ་འཁོར་དག། ཆུ་ཟླའི་སྣང་བ་ཇི་བཞིན་ནོ།། དོན་དམ་སྣང་བ་གཟུགས་ཀྱི་སྐུ།། ཐིག་ལེ་ཆེན་པོ་ཆོས་སྐུར་དག། མཉམ་པ་བཞི་ཡི་གཏན་ཚིགས་ནི།། མཉམ་པས་མཉམ་བྱེད་བདག
314b5 ཉིད་ཆེ།། རྒྱུ་ལས་སྐྱེས་ནས་མཐུན་པར་སྣང་།། བརྟགས་ན་དབེན་པ་ཀུན་རྫོབ་ཡིན།། དོན་དམ་སྤྲོས་པ་མཐའ་དག་བྲལ།། རྣམ་རྟོག་བློ་ཡི་སྤྱོད་ཡུལ་མིན།། སྣང་བ་ཐམས་ཅད་རྐྱེན་བཞིས་བསྡུས།། སྒྱུ་མ་ཙམ་དུ
314b6 སྣང་བར་མཉམ།། སྣང་ཞིང་བརྟགས་པའི་ཆོས་འདི་རྣམས།། མ་སྐྱེས་པར་ནི་ཀུན་མཉམ་མོ།། ལྷག་པ་ཀུན་རྫོབ་དོན་དམ་ནི།། ཆོས་ཀྱི་དབྱིངས་ཀྱི་རྒྱུ་ལས་སྐྱེས།། ཐུགས་རྗེ་ཆགས་པའི་རྐྱེན་གྱིས་བསྐྱེད།། དོན་བྱེད
iiif viewer powered by OpenSeadragon
