| e-texts navigator |
| Wylie |
314a1 གྱེན་ལ་འབར།། གཡོན་ནས་གསེར་མདོག་ལྗང་སེར་རླུང་།། དོན་གྲུབ་གསེ་གསལ་འགྲོ་བ་དང་།། གཉིས་དཀར་དལ་རྒྱུ་ཆུ་རླུང་དཀར།། རྡོ་རྗེ་མི་བསྐྱོད་བྱང་སེམས་འབབ།། གཉིས་ཀར་ཟུར་རྔུབ་ས
314a2 རླུང་སེར།། རིན་ཆེན་འབྱུང་གནས་ཐ་དཀར་གནས།། ཉུང་དཀར་འབྲུ་ཚོད་ཙམ་དུ་འཕྲོ།། ཨཱཿདམར་ཧཱ་ལྗང་ཧཱུཾ་དཀར་དང་།། སྭཱ་སེར་འདུ་འཕྲོ་མཛད་པ་རྫོགས།། ཉིན་ཞག་དག་ནི་ཕྲུགས་གཅིག་ལ།། ཉི་ཁྲི་གཅིག
314a3 རྫོགས་སྟོང་དྲུག་བརྒྱ།། དེ་ཉིད་བཟླས་པ་རྫོགས་འགྱུར་བ།། རྩ་བ་ཨོཾ་ཉིད་སྲོག་ཏུ་གནས།། རླུང་རྣམས་ཕྲ་བའི་གཟུགས་ཀྱིས་ནི།། ཤེས་དང་ཡང་དག་འདྲེས་འགྱུར་ན།། དབང་པོའི་ལམ་ལ་བྱུང་ནས་སུ།། ཡུལ
314a4 རྣམས་ཀུན་ལ་འཇུག་པར་བྱེད།། སྣང་བ་མཆེད་པ་ཐོབ་པའང་གསུམ།། ལྔ་གསུམ་བཅོ་ལྔའི་བདག་ཉིད་ཅན།། བྱང་ཆུབ་སེམས་དཔའ་འགྲོ་དོན་མཛད།། རྟོག་བཅས་བརྒྱ་བཅུའི་འཁོར་ལོ་བསྐོར།། ཡིག་འབྲུ
314a5 གསུམ་གྱིས་བྱིན་གྱིས་བརླབས།། སྐུ་གསུང་ཐུགས་ཀྱི་དབང་རྣམས་རྫོགས།། མི་ཟད་རྒྱན་གྱི་འཁོར་ལོ་ཡིས།། སྐུ་གསུང་ཐུགས་ནི་དབྱེར་མེད་ལས།། འབྲས་བུ་ཆོས་རྣམས་ལྷུན་གྱིས་གྲུབ།། བལྟ་བ་རྟོགས་པས
314a6 གྲུབ་མཐའ་རྟོགས།། ཞེས་གསུངས་སོ།། གླང་པོ་རབ་འབོག་གི་རྒྱུད་ལས། དབང་པོ་རབ་ལ་རང་བཞིན་རྟོགས་པ་སྟེ་ལེའུ་བཅུ་དགུ་པའོ།། །། དེ་ནས་བཅོམ་ལྡན་འདས་གྱིས་སྣང་སྲིད་དཀྱིལ་འཁོར་ཆེན
iiif viewer powered by OpenSeadragon
