| e-texts navigator |
| Wylie |
313b1 ནས་ཞིང་ཁམས་རྣམ་དག་ལ།། མ་རིག་དེ་ཉིད་ཤེས་བྱ་ལ།། ཤར་ཕྱོགས་མངོན་པར་དགའ་བ་ཉིད།། རྡོ་རྗེ་རིགས་ཀྱི་གནས་སུ་ཤེས།། ལྷོ་ཡི་ཕྱོགས་ན་དཔལ་དང་ལྡན།། ཡིད་བཞིན་རིན་ཆེན་ཡོན་ཏན
313b2 གནས།། ནུབ་ཕྱོགས་བདེ་བ་ཆེན་པོ་ཉིད།། གསུང་མཆོག་པདྨ་རིགས་ཀྱི་གནས།། བྱང་ཕྱོགས་རྣམ་དག་བཀོད་པ་ནི།། རབ་རྫོགས་ལས་ཀྱི་རིགས་ཀྱི་གནས།། དབུས་ན་བྱང་ཆུབ་ཆེན་པོ་ཉིད།། བདེ་གཤེགས
313b3 གནས་རྣམས་ལྷུན་གྱིས་གྲུབ།། ཡེ་ནས་གནས་ཕྱིར་རྩོལ་བ་བྲལ།། ལུས་ལ་ཡེ་ཤེས་ཆེན་པོ་གནས།། མ་རྟོགས་རྟོགས་པར་རབ་བསྟན་པ།། ཉེས་པའི་སྐྱོན་དང་བྲལ་བས་ན།། པུ་ཤ་ར་ཀའི་མདོག་ཏུ་བསྟན།། ཆེ
313b4 བའི་ཡོན་ཏན་རྒྱས་པས་ན།། ཛ་མཱུ་ན་དཱིའི་གསེར་འོད་མཚུངས།། ཐུགས་རྗེས་ཀུན་ལ་ཆགས་པ་ནི།། པདྨ་རཱ་གའི་མདོག་ཏུ་གནས།། ཕྲིན་ལས་ཐོགས་པ་མེད་པར་ན།། མ་རྒད་ལྟ་བུའི་མདོག་ཏུ་བསྟན།། ཆོས་ཉིད
313b5 འགྱུར་བ་མེད་པས་ན།། ཨིནྡྲ་ནཱི་ལའི་མདོག་ཏུ་བསྟན།། མདོག་གི་དབྱེ་བས་རབ་མཚོན་པས།། ཡེ་ཤེས་ཆེན་པོ་ལྔ་རྣམས་རྟོགས།། སྟོང་གསུམ་སྟོང་གི་འཇིག་རྟེན་ན།། སངས་རྒྱས་དཀྱིལ་འཁོར་ལྷུན་གྱིས
313b6 གྲུབ།། བཅུད་ཀྱི་འགྲོ་བ་མ་ལུས་ཀུན།། རྒྱལ་བ་རྫོགས་པའི་སངས་རྒྱས་ཉིད།། འགྲོ་དོན་མཛད་པར་སྣང་བ་ནི།། གཡས་པ་ནས་ནི་འབྱུང་བའི་ཁམས།། མེ་ཡི་དཀྱིལ་འཁོར་སྣང་མཐའ་ཡས།། ཁ་དོག་དམར་པོ
iiif viewer powered by OpenSeadragon
