| e-texts navigator |
| Wylie |
313a1 བུའི་མཚན་ཉིད་རབ་ཤེས་པ།། རིག་པ་འཛིན་པའི་སར་གནས་པ།། རྣམ་པར་སྨིན་པའི་རིག་འཛིན་ནི།། བརྐོས་ཕོར་ནང་གི་འདག་པ་འདྲ།། ཚེ་ལ་དབང་བའི་རིག་འཛིན་ནི།། ཉི་མ་ཟླ་བའི་དཀྱིལ
313a2 འཁོར་འདྲ།། ཕྱག་རྒྱ་ཆེན་པོའི་རིག་འཛིན་ནི།། འཛིན་རྟེན་མེས་པོ་ཚངས་པ་འདྲ།། ལྷུན་གྱིས་གྲུབ་པའི་རིག་འཛིན་ནི།། འབྱུང་ཆེན་གཏོས་ཀྱི་ནམ་མཁའ་འདྲ།། ཡང་དག་རྫོགས་པའི་སངས་རྒྱས་ནི།། ཡིད་བཞིན
313a3 ནོར་བུ་རིན་ཆེན་འདྲ།། ཞེས་གསུངས་སོ།། གླང་པོ་རབ་འབོག་གི་རྒྱུད་ལས། ཆོས་ཐམས་ཅད་དོན་རྣམ་པར་བསྡུས་ནས་སྒོ་དབྱེ་བའི་ལེའུ་སྟེ་བཅོ་བརྒྱད་པའོ།། །། དེ་ནས་སངས་རྒྱས་རྡོ་རྗེ་འཆང་ཆེན་པོས
313a4 ཆོས་ཐམས་ཅད་ཡེ་ཤེས་དང་དབྱིངས་སུ་ཡེ་ནས་སངས་རྒྱས་པ་འདི་གསུངས་སོ།། སྟོང་གསུམ་སྲིད་གསུམ་ཁམས་གསུམ་རྣམས།། ཡེ་ནས་ཆོས་ཀྱི་དབྱིངས་ཉིད་ལ།། མ་རྟོགས་འབྱུང་བ་ལྔ་རུ་འཛིན།། འཛིན་པ་དེ
313a5 ཉིད་རང་གྲོལ་ཕྱིར།། འགྱུར་མེད་ས་དང་སངས་རྒྱས་སྤྱན།། རྒྱུད་ཆད་མེད་པ་ཐུགས་རྗེའི་རྒྱུན།། མཱ་མ་ཀཱི་ཡི་བྷ་ག་ན།། སྐྱོན་བྲལ་མེ་དབྱིངས་གོས་དཀར་མ།། ཐོགས་མེད་རླུང་དབྱིངས་དམ་ཚིག་སྒྲོལ།། ནམ་མཁའ
313a6 ཀུན་ཏུ་བཟང་མོ་ཉིད།། གནས་དང་སྐྱེ་དང་སྤྱོད་གྱུར་པ།། རྡོ་རྗེ་བཙུན་མོའི་བྷ་ག་ལ།། ཕྱོགས་བཅུ་དུས་གསུམ་སངས་རྒྱས་རྣམས།། ཡུམ་དང་འདུ་འབྲལ་མེད་པར་བཞུགས།། སྣོད་ཀྱི་འཇིག་རྟེན་མ་ལུས་ཀུན།། ཡེ
iiif viewer powered by OpenSeadragon
