| e-texts navigator |
| Wylie |
312b1 བོར་སྣང་།། དེ་མཚོན་ཅི་ཡང་ཡིན་པའི་ཕྱིར།། སེམས་ཆོས་ཅི་ཡང་མ་ཡིན་ནོ།། དེ་ཕྱིར་མ་ཡིན་ཀུན་ཡིན་པས།། ཅིར་ཡང་ཡིན་ནོ་ལྷུན་གྱིས་གྲུབ།། མཐའ་ཀུན་ཕྱོགས་སུ་མ་ཆད་ཕྱིར།། མཐའ་དང་བྲལ་ཕྱིར་མ་བྲལ
312b2 བའོ།། གང་ཡང་མ་སྤངས་མི་ལྡན་པས།། མ་བྲལ་ཕྱིར་ན་བྲལ་ཞེས་བྱ།། ངོ་བོ་ཕེབས་པས་རྒྱས་པར་འགྱུར།། ཕྱོགས་བཅུར་བཞུགས་པའི་སངས་རྒྱས་དང་།། དུས་བཞིར་གཤེགས་པའི་རྒྱལ་བ་རྣམས།། སེམས
312b3 གནས་སེམས་རྟོགས་སངས་རྒྱས་ཉིད།། དེ་ལས་གཞན་དུ་མི་བཙལ་ལོ།། ལམ་གྱི་མཚན་ཉིད་རབ་ཤེས་ནས།། ནམ་མཁའི་དབྱིངས་ཀྱི་ཉི་ཟླ་ལ།། རྡོ་རྗེ་སེམས་དཔའ་ཡབ་ཡུམ་བསྒོམ།། སངས་རྒྱས་མ་ལུས་བསྒོམ
312b4 པར་འགྱུར།། ཨོཾ་བཛྲ་ས་ཏྭ་ཧཱུཾ།། སེམས་ཅན་ལུས་ལ་རྩ་གནས་པ།། དཀྱིལ་འཁོར་བཞི་དང་སྲོག་ཤིང་གསུམ།། གཡོ་བ་རླུང་དང་བསྐྱོད་པའི་མེས།། ནམ་མཁའི་བ་ཞོས་བདུད་རྩི་འབེབས།། བདེ་ཆེན་ཧཾ་ལ
312b5 ལོངས་སྤྱོད་ཨཱཿ།། ཆོས་འཁོར་ཧཱུཾ་ཉིད་སྤྲུལ་པ་ཨ།། ཨཱ་ལི་ཀ་ལི་སྲོག་ཤིང་གསུམ།། ཡི་གེ་ལྔ་གསུམ་གྲུབ་ནས་གནས།། ལུས་ཀྱི་ཁམས་དགུ་འདུས་པ་ཡི།། བྱང་ཆུབ་སེམས་ཀྱི་བདུད་རྩི་ཉིད།། ལུགས་འབྱུང་འཁོར
312b6 བསྐྱེད་བྱེད་པས།། ལུགས་ལས་བཟློག་པས་མྱ་ངན་འདས།། ནམ་མཁའི་རླུང་གིས་སྲོག་འཛིན་ཅིང་།། ས་ཆུ་མེ་རླུང་རྩོལ་བར་རྒྱུ།། རྩ་བ་ཡན་ལག་བཅས་པ་ཡིས།། ཕུང་པོ་དབང་ཡུལ་ལས་རྣམས་བྱེད།། འབྲས
iiif viewer powered by OpenSeadragon
