| e-texts navigator |
| Wylie |
312a1 གཅིག། དབྱེར་མེད་ཙམ་འཛིན་སྤྱོད་ཡུལ་བྲལ།། ཞེས་གསུངས་སོ།། གླང་པོ་རབ་འབོག་གི་རྒྱུད་ལས། ཆོས་ཐམས་ཅད་གཏན་ལ་འབེབས་པའི་ལེའུ་སྟེ་བཅུ་བདུན་པའོ།། །། དེ་ནས་སངས
312a2 རྒྱས་ཐམས་ཅད་ཀྱི་བདག་ཉིད་ཆེན་པོས་བདག་ཉིད་ཆེན་པོ་རང་སྣང་བ་འདི་གསུངས་སོ།། ཡུལ་དང་ཐབས་དང་འབྲས་བུ་དང་།། མཚན་གཞི་མཚན་ཉིད་མཚན་འབྲས་ཅན།། ཤེས་པའི་མཚན་ཉིད་ལྟ་བ
312a3 རྒྱུ།། འཇུག་པའི་མཚན་ཉིད་བསྒོམ་པ་རྐྱེན།། མངོན་འགྱུར་མཚན་ཉིད་འབྲས་བུར་བཟུང་།། བྱ་བྱེད་རྣལ་འབྱོར་རྒྱུ་ལམ་འབྲས།། ལྟ་བའི་མཚན་ཉིད་རབ་ཤེས་པ།། གསེར་བལྟ་གསེར་བསྟན་གསེར་བཞིན
312a4 དུ།། བདག་ཕྱིར་བྱ་བྱེད་མ་དམིགས་པས།། རྟོག་དཔྱོད་དམིགས་འཛིན་མི་འཚོལ་བར།། དེ་བརྗོད་ཉིད་ཀྱིས་དེ་ཉིད་མཐོང་།། སུས་ཀྱང་མ་བཅོས་བཅིང་མེད་དེ།། བཅིང་བར་བྱ་བ་ཡོད་མ་ཡིན།། བཅིང་མེད་རྣམ
312a5 པར་གྲོལ་མེད་པར།། གྲོལ་བར་མི་འདོད་བཅིང་དང་བྲལ།། དཔྱད་དུ་མེད་པར་རྟོག་པས་དཔྱད།། དཔྱད་པས་གོ་བར་བྱ་བ་ཡང་།། དོན་དང་མི་མཐུན་མཚོན་བྱ་ན།། ཆོས་ཀུན་མཐའ་ལས་འདས་པ་ལ།། མཐའ
312a6 རྣམས་གང་ཡང་དོར་མེད་པས།། འདི་ལྟར་འདིའོ་ཞེས་བསྟན་མེད།། རང་བཞིན་ངོ་བོ་བསྟན་པར་དཀའ།། འོན་ཀྱང་ཡིན་མིན་འཛིན་གྲོལ་ཕྱིར།། མདོར་ན་ཇི་ལྟར་བརྟགས་བསམ་བཞིན།། འགྱུར་བས་ཀུན་གྱི་ངོ
iiif viewer powered by OpenSeadragon
