| e-texts navigator |
| Wylie |
311a1 ལ་བརྟེན་ནས།། རྗེས་དཔག་མེ་ཉིད་འདོད་གྱུར་པ།། མཚན་ཉིད་རྒྱུ་ལས་རྒོལ་བ་འཇོམས།། སྟོན་པའི་དམ་ཆོས་རྣམ་གཉིས་ཏེ།། ལུང་དང་རྟོགས་པའི་བདག་ཉིད་དོ།། མངོན་སུམ་ལུང་ལ་རྗེས་དཔག
311a2 རྟོགས།། འབྲས་བུ་སྔགས་ཀྱིས་རྒོལ་བ་འཇོམས།། མཐོང་རྟེན་རྟགས་ཀྱིས་མ་མཐོང་རྟོགས།། གསུམ་གྱིས་ཆོས་རྣམས་རྟོགས་འདོད་པས།། བདེ་གཤེགས་བཀའ་ལུང་ཚད་མ་དང་།། བླ་མའི་མན་ངག་ཚད་མ
311a3 དང་།། རང་གི་རིག་པ་ཚད་མ་དང་།། ཡིད་ཆེས་དོན་རིག་རྟོགས་པ་འཆར།། བཞི་ཡིས་གང་ཞིག་གཏན་ལ་འབེབས།། བཀའ་ཡི་ལུང་ལས་སྣང་བ་དང་།། བསྟན་བྱའི་དོན་དང་མི་འགལ་ཞིང་།། རིག་པ་ལ་ནི་འཐད
311a4 པ་དང་།། གཏན་ཚིགས་རྣམས་ཀྱིས་བརྒྱན་པ་ནི།། སྡེ་སྣོད་ཆོས་རྣམས་གཏན་ལ་འབེབས།། ཐུན་མོང་མ་ཡིན་བཞི་བསྐོར་སྒྲས།། འབྲས་བུ་གྲུབ་པར་བསྟན་པ་ནི།། ཅིར་ཡང་སྣང་དུ་བཏུབ་པ་དང་།། ཅིར་ཡང་སྣང
311a5 ཕྱིར་ཅིར་བསྒྲུབ་བཏུབ།། ཅིར་ཡང་བསྒྲུབ་པས་གང་ཡང་འགྲུབ།། ལྔ་ཡིས་ཆོས་རྣམས་གཏན་འབེབས་ན།། གཞི་ཉིད་ཆོས་ཅན་དག་ལ་གནས།། ཁས་བླངས་པ་ལ་དམ་བཅས་ནས།། གཏན་ཚིགས་རྣམས་ཀྱིས
311a6 གཏན་ལ་དབབ།། མཚོན་པའི་དཔེ་ཡིས་མཚོན་བྱས་ནས།། གྲུབ་མཐའི་དོན་རྣམས་མཐར་ཕྱིན་ནོ།། དྲུག་གིས་འཁོར་འདས་གཏན་འབེབས་པ།། གཞི་ལས་ཐམས་ཅད་སྣང་བ་ཡིན།། རྒྱུ་ལས་ཐམས་ཅད་སྐྱེ་བ
iiif viewer powered by OpenSeadragon
