| e-texts navigator |
| Wylie |
310b1 སྣང་བ་དཔྱད་ཡོད་ན།། དྲན་མེད་ཡིན་པས་དཔྱད་དུ་མེད།། དཔྱད་དུ་མེད་པར་སྣང་བ་རྣམས།། སེམས་ཀྱིས་སེམས་ལ་བལྟ་བ་ཡིན།། སེམས་ཉིད་སྐྱེ་བ་མེད་པར་ཤེས།། དཔྱད་དུ་ཡོད་མེད་གཉིས་མེད་པས།། དེ
310b2 ཉིད་བློ་ལས་འདས་པ་ནི།། ཟུང་འཇུག་བདེ་བ་ཆེན་པོར་གནས།། དབྱེར་མེད་དཔྱོད་ཡུལ་བྲལ་བར་རྟོགས།། ཡོད་མེད་རྟོག་པའི་བློ་མི་གནས།། སྣང་སྟོང་ངོ་མཉམ་དཔྱོད་ཡུལ་བྲལ།། འཛིན་མེད་གཟུང་བ་ག་ལ
310b3 སྲིད།། དུ་མ་རོ་གཅིག་ཀུན་ངོ་བོ།། རྣམ་པ་ཀུན་ལྡན་སྟོང་པར་གནས།། ཞེས་གསུངས་སོ།། གླང་པོ་རབ་འབོག་གི་རྒྱུད་ལས། གཏན་ཚིགས་ཀྱི་གཞི་དཔྱད་དུ་ཡོད་མེད་ཀྱི་ལེའུ་སྟེ་བཅུ་དྲུག་པའོ།། །། དེ
310b4 ནས་བཅོམ་ལྡན་འདས་ཀྱིས་བདུད་ཀྱི་སྟོབས་རབ་ཏུ་འཇོམས་པའི་ཏིང་ངེ་འཛིན་ལ་ཞུགས་ནས། པདྨ་ཆགས་མེད་ཀྱི་དོན་འདི་ཆེད་དུ་བརྗོད་དོ།། སྟོན་པའི་སྒྲོན་མ་རབ་འབར་བས།། ལྷ་ངན་མུ་སྟེགས་བདུད་ལས
310b5 རྒྱལ།། རྣལ་འབྱོར་སེམས་ཉིད་འོད་གསལ་བ།། ཇི་ལྟར་འདོད་པ་གཏན་ལ་འབེབས།། གཅིག་གིས་གཏན་ལ་དབབ་པ་ནི།། འཁོར་འདས་བྱང་ཆུབ་སེམས་སུ་གཅིག། ཀུན་གྱིས་སེམས་ཉིད་རྟོགས་པར་བྱ།། ཆོས
310b6 ཀྱི་རྩ་བ་ཤེས་པར་འགྱུར།། གཉིས་ཀྱིས་གཏན་ལ་འབེབས་འདོད་ན།། འཁོར་དང་མྱ་ངན་འདས་པའི་ཆོས།། མངོན་སུམ་རྗེས་དཔག་དག་གིས་རྟོགས།། འཁོར་བ་མངོན་སུམ་རྗེས་དཔག་འདས།། མངོན་སུམ་དུ་བ
iiif viewer powered by OpenSeadragon
