| e-texts navigator |
| Wylie |
310a1 མེད།། སངས་རྒྱས་ཀྱིས་ཀྱང་རྙེད་པར་དཀའ།། ཚིག་དང་ཡི་གེས་མི་མཚོན་ཏེ།། རྒྱལ་བའི་སྲས་པོ་ཅང་མི་གསུང་།། དཔྱད་དུ་ཡོད་པས་དཔྱད་ཡོད་པས།། ཕྱིར་རོལ་སྣང་བའི་སྤྱོད་ཡུལ་བ།། དབང་པོ
310a2 རྣམ་ལྔས་དཔྱད་བྱས་ན།། དུག་གསུམ་སྐྱེ་བར་སྣང་བ་རྣམས།། མ་རྟོགས་ཁམས་གསུམ་འཁོར་བ་རྣམས།། མི་རྟོག་བདེ་སྟོང་ལམ་དུ་བྱས།། སྐུ་གསུམ་འབྲས་བུ་ཐོབ་འགྱུར་བ།། དཔྱད་དུ་ཡོད་པས་དཔྱད་པར
310a3 བྱ།། དཔྱད་དུ་མེད་པས་དཔྱད་མེད་པ།། རྣལ་འབྱོར་སེམས་ཀྱིས་སེམས་ལ་བལྟ།། སེམས་ལ་དངོས་མེད་བསྒོམ་པ་མེད།། དངོས་པོར་བསྒོམས་པས་བསྒོམ་པ་མིན།། དངོས་དང་དངོས་མིན་རྣམ་དཔྱད་ནས།། ཆོས
310a4 རྣམས་ཐམས་ཅད་སེམས་སུ་འདུས།། སེམས་ཉིད་ནམ་མཁའ་ལ་གནས་ཏེ།། ནམ་མཁའ་ཅིར་ཡང་མི་གནས་པས།། དེ་ཕྱིར་དཔྱད་པའི་བྱ་བྱེད་བྲལ།། བྱར་མེད་བསམ་བྲལ་བརྗོད་འདས་རྟོགས།། དཔྱད་དུ་ཡོད
310a5 པར་དངོས་ཞེན་པ།། མུ་སྟེགས་རྟག་པར་བལྟ་དང་མཚུངས།། དཔྱད་དུ་མེད་ལ་ཞེན་འཐས་པ།། མུ་སྟེགས་ཆད་པར་ལྟ་དང་མཚུངས།། མཐའ་གཉིས་གོལ་ས་དཔྱད་བྱའི་ཕྱིར།། མཁས་པས་ཕྱོགས་གཅིག་ཞེན་མི
310a6 བྱ།། རྟག་ཆད་ཕྱོགས་སུ་གང་ཞེན་པ།། དོན་གྱི་སྙིང་པོ་ཉིད་ལས་གོལ།། དཔྱད་དུ་ཡོད་པར་སྣང་བ་རྣམས།། ཕྱི་ཡུལ་རྣམ་པ་སྣ་ཚོགས་ལ།། ནང་གི་རིག་པ་ཞེན་པ་ཡིན།། དེ་ཉིད་དཔྱད་དུ་མེད་ཅེས་བྱ།། དྲན་པར
iiif viewer powered by OpenSeadragon
