| e-texts navigator |
| Wylie |
309b1 ལྔའི་གཏན་ཚིགས་ཀྱིས་ངེས་པར་བསྟན་པའི་ལེའུ་སྟེ་བཅོ་ལྔ་པའོ།། །། དེ་ནས་དེ་བཞིན་གཤེགས་པས་ཆེད་དུ་བརྗོད་པ་འདི་བརྗོད་དོ།། ཆོས་ཀྱི་འཁོར་ལོའི་ལྟེ་དབུས་ན།། སྐུ་ལྔའི་བདག་ཉིད་ཆོས་འཆད
309b2 བཞུགས།། སྟོན་པའི་བདག་ཉིད་རྣམ་པ་ལྔ།། འཆད་པའི་སྐྱེས་བུ་རྣམ་པ་ལྔ།། དམ་ཆོས་ལྔ་རྣམས་སོ་སོར་གོ།། དཔྱད་དུ་མེད་པས་གོ་བ་བཞི།། དཔྱད་དུ་ཡོད་པས་གོ་བ་གཅིག། རྣམ་པ་གཉིས་སུ་སྣང་འགྱུར
309b3 ཡང་།། སྡུད་པ་རྡོ་རྗེའི་སྙིང་པོ་ཡིས།། དོན་བཞིན་བསྡུས་པའི་ཡི་གེའི་རྒྱུད།། གླེགས་བམ་ཚིག་གི་ཚོགས་རྣམས་ནི།། ལམ་གྱི་ཡི་གེ་རྒྱུད་ཉིད་དང་།། སེམས་ལྔ་སྐྱེས་པའི་སྐྱེས་བུའི་ཐུགས།། ལམ་གྱི་ངོ་བོ་རྒྱུད་ཡིན
309b4 པས།། ཐམས་ཅད་མ་ལུས་རྟོགས་པར་བྱེད།། དཔྱད་དུ་མེད་པར་གོ་བ་ནི།། དབང་པོ་རྣོན་པོའི་སྤྱོད་ཡུལ་ཏེ།། སྣང་སྲིད་ཆོས་རྣམས་མ་ལུས་པ།། བྱང་ཆུབ་སྙིང་པོར་གཏན་ལ་འབེབས།། དཔྱོད་དུ་ཡོད་པར་གོ་བ
309b5 ནི།། དབང་པོ་རྟུལ་པོའི་སྤྱོད་ཡུལ་ཏེ།། དཔེ་དོན་རྟགས་དང་གཏན་ཚིགས་ཀྱིས།། ཡིད་ཆེས་ངེས་ཤེས་སྐྱེས་པར་སྟོན།། དཔྱོད་པ་ཞུགས་ན་རྟོག་པའི་གཞི།། རྟོག་པ་ཞུགས་ན་དམིགས་པའི་རྟེན།། དམིགས་པ་ཞུགས
309b6 ན་འཛིན་པའི་གཟུང་།། འཛིན་པས་ཟིན་ཕྱིར་གྲོལ་མི་འགྱུར།། དཔྱད་དུ་མེད་པར་གང་དཔྱད་པས།། སེམས་ཅན་མ་ལུས་ཐམས་ཅད་ཀུན།། ཡེ་ནས་བྱང་ཆུབ་སྙིང་པོར་གནས།། དེ་ཕྱིར་དཔྱད་པའི་བྱ་བྱེད
iiif viewer powered by OpenSeadragon
