| e-texts navigator |
| Wylie |
309a1 སངས་རྒྱས།། ཕྱག་རྒྱ་ཆེན་པོའི་རིག་འཛིན་གྱིས།། ལོངས་སྐུའི་སྟོན་པའི་ཆོས་ཟོས་པ།། གསང་སྔགས་རྒྱུད་དང་ལུང་དུ་སྣང་།། དགོངས་པ་བརྡ་ཡིས་བསྐྱེད་རྫོགས་རྟོགས།། ཚེ་ལ་དབང་བའི་རིག
309a2 འཛིན་གྱིས།། སྤྲུལ་པ་བརྡ་ཡི་དགོངས་པ་རྟོགས།། མཚན་ཉིད་གསང་སྔགས་ཀྲི་ཡོག་སྣང་།། རྣམ་པར་སྨིན་པའི་རིག་འཛིན་གྱིས།། མངོན་པར་བྱང་ཆུབ་སྐུ་རྟོགས་པས།། འཁོར་བར་སྣང་བ་སངས་རྒྱས
309a3 ཉིད།། དབང་པོ་རབ་ཀྱི་སྤྱོད་ཡུལ་ཅན།། དབྱེར་མེད་རྡོ་རྗེའི་སྐུར་རྟོགས་པས།། འཁོར་འདས་སོ་སོའི་སྐྱེ་འཇིག་བྲལ།། དབང་པོ་བརྟན་པའི་སྤྱོད་ཡུལ་ཅན།། སར་ཆུད་པ་ཡི་རིག་འཛིན་དང་།། ས་ཐོབ་པ་ཡི་རིག
309a4 འཛིན་དང་།། སར་སྨིན་རིག་འཛིན་རྣམས་ཀྱིས་གོ།། སྐུ་ལྔས་བསྟན་པ་དེ་བཞིན་དུ། ཚུལ་མཐུན་རིག་འཛིན་བསྟན་འགྱུར་བས།། རྗེས་སུ་འཇུག་པའི་སྐྱེས་བུ་རྣམས།། ཚུལ་ལྔས་གཏན་ལ་ཕེབས་པར་འགྱུར།། སྟོན
309a5 པའི་བདག་ཉིད་སྐུ་ལྔ་ཉིད།། འཆད་པའི་སྐྱེས་བུ་རིག་འཛིན་ལྔས།། འཁོར་བར་སྣང་བའི་ལྷ་མི་དང་།། མཁའ་འགྲོའི་ཚོགས་ལ་རབ་བརྒྱུད་པས།། ལྷ་མིའི་འཇིག་རྟེན་ཐམས་ཅད་དུ།། ཆོས་ཀྱི་འཁོར་ལོ་རབ་བསྐོར
309a6 རྒྱས།། རྨད་བྱུང་ཆེ་བའི་མཛད་པ་སྟོན།། སྤང་ལེན་མེད་པའི་དོན་རྟོགས་ནས།། ཕྱག་རྒྱ་ཆེན་པོ་མཆོག་ཉིད་ཀྱི།། དངོས་གྲུབ་དམ་པ་ཐོབ་པར་འགྱུར།། ཞེས་གསུངས་སོ།། གླང་པོ་རབ་འབོག་གི་རྒྱུད་ལས།། ཚུལ
iiif viewer powered by OpenSeadragon
