| e-texts navigator |
| Wylie |
308a1 སྐུ།། མངོན་པར་བྱང་ཆུབ་སྐུ་ཉིད་ལ།། སྣང་བ་གང་ཡིན་རང་སྣང་ཉིད།། རིག་པ་རང་སྣང་འཁོར་རྣམས་ལ།། སྣང་བས་བསྟན་པར་གྲགས་པ་ནི།། སྣང་སྲིད་གླེགས་བམ་ཚོགས་སུ་སྣང་།། སྐྱེ་འཇིག
308a2 མེད་པས་འགྱུར་བ་མེད།། ནམ་མཁའ་ཉིད་དུ་རྣམ་པར་དག། རྡོ་རྗེ་རིག་པ་འཛིན་པའི་སྐུ།། རྟག་པ་ཆེན་པོའི་ངོ་བོ་ཉིད།། འབྱུང་བ་ལྔ་ཉིད་འགྱུར་མེད་རྟོགས།། དབྱེར་མེད་རྡོ་རྗེའི་འཁོར་རྣམས་ལ།། གྲགས་སྟོང
308a3 དབྱེར་མེད་སྣང་བ་ཡང་།། མ་སྐྱེས་འཇིག་བྲལ་གོ་བར་སྣང་།། ལྷག་པ་ཆེན་པོ་ཆོས་ཀྱི་སྐུ།། སྐྱེ་མེད་དོན་གྱི་གསུང་མཆོག་གིས།། རྒྱལ་བ་རྒྱ་མཚོའི་འཁོར་རྣམས་ཀུན།། ཆོས་དབྱིངས་སྐྱེ་མེད་ནམ་མཁར
308a4 རྟོགས།། ལོངས་སྤྱོད་རྫོགས་པ་རིགས་ལྔའི་སྐུ།། དགོངས་པ་བརྡ་ཡི་གསུང་སྣང་བས།། སྨིན་པ་རྒྱ་མཚོའི་འཁོར་རྣམས་ཀྱི།། ཤེས་བྱའི་སྒྲིབ་པ་གཏིང་དཔག་མེད།། མཛད་པ་མཐར་ཕྱིན་སྤྲུལ་པའི་སྐུས།། ཚངས
308a5 པའི་དབྱངས་ཀྱི་གསུང་སྙན་གྱིས།། མོས་པ་རྒྱ་མཚོའི་འཁོར་རྣམས་ལ།། སྒྲིབ་སྦྱངས་ས་དང་རྣམ་ཟར་ཐོབ།། སྣང་སྲིད་མངོན་པར་བྱང་ཆུབ་སྐུས།། རང་སྣང་གསུང་གིས་ཆོས་སྟོན་པ།། རིག་པ་རང་སྣང་འཁོར
308a6 རྣམས་ཀུན།། ཡུལ་ཀུན་རང་རིག་མངོན་བྱང་ཆུབ།། སྐྱེ་འཇིག་བྲལ་བ་རྡོ་རྗེའི་སྐུས།། གྲགས་སྟོང་དབྱེར་མེད་རྡོ་རྗེའི་གསུང་།། དབྱེར་མེད་རྡོ་རྗེའི་འཁོར་རྣམས་ལ།། ཀུན་རྫོབ་དོན་དམ་མི་ཕྱེད་གོ། བཏགས་པའི་སྐུ
iiif viewer powered by OpenSeadragon
