| e-texts navigator |
| Wylie |
307b1 པས་མ་སྦྱངས་མཉེས།། སྲིད་གསུམ་འགྲོ་ལ་ཐུགས་རྗེ་ཡི།། བརྟགས་གཞི་གཏན་ལ་ངེས་པར་ཕབ།། ཅེས་གསུངས་སོ།། གླང་པོ་རབ་འབོག་གི་རྒྱུད་ལས། གཞལ་བྱའི་ལེའུ་སྟེ་བཅུ་གསུམ་པའོ།། །། དེ་ནས
307b2 སངས་རྒྱས་ཐམས་ཅད་ཀྱིས།། འགྲོ་བའི་དོན་དུ་བརྗོད་པ་འདི་དག་གསུངས་སོ།། སེམས་ཅན་ཀུན་གྱི་ཡིད་རིག་པ།། སངས་རྒྱས་རྣམས་ཀྱི་ཐུགས་ཀྱི་མཆོག། སྐྱེ་ཤི་མེད་པའི་གཡུང་དྲུང་སྐུ།། ཆོས་སྐུ་དྲི་མ་མེད་པ
307b3 ཡི།། རྒྱལ་བ་རྒྱ་མཚོ་འཁོར་རྣམས་ནི།། ཡེ་ཤེས་རྒྱ་མཚོའི་ཚོགས་རྣམས་ལ།། ཐམས་ཅད་ཆོས་ཀྱི་དབྱིངས་སུ་ཐིམ།། ཐིག་ལེ་ཆེན་པོར་ཡེ་ནས་གནས།། འཁོར་འདས་བདེ་བའི་ལོངས་སྤྱོད་ལ།། ཡེ་ཤེས་སྒྱུ་མར་རོལ
307b4 གྱུར་པ།། ཟད་མི་ཤེས་པའི་གཏེར་དུ་འགྱུར།། ལོངས་སྤྱོད་རྫོགས་སྐུ་རིགས་ལྔའི་སྐུ།། ས་བཅུ་ཐོབ་པའི་བྱང་ཆུབ་སེམས།། སྨིན་པ་རྒྱ་མཚོའི་འཁོར་རྣམས་ལ།། དགོངས་པ་བརྡ་ཡིས་སྣང་འགྱུར་བ།། མེ་ལོང་བཞིན
307b5 དུ་བྱེད་སྐྱོན་སེལ།། རབ་འབྱམས་སྟོང་གི་འཇིག་རྟེན་ན།། རྡུལ་ཕྲན་འགྲོ་བ་ཐམས་ཅད་ལ།། ཐམས་ཅད་མཁྱེན་པ་སྤྲུལ་པའི་སྐུ།། ཉོན་མོངས་ཀུན་གྱི་ནང་དུ་གནས།། འགྲོ་བ་ལྷ་མིའི་བྱང་ཆུབ་སེམས།། མོས་པ་རྒྱ
307b6 མའི་འཁོར་ཀུན་ལ།། རང་རང་སོ་སོའི་སྐད་དུ་གསུངས།། ཚིག་དབྱངས་མེད་པའི་སྐད་གྱིས་གོ། མངོན་སུམ་སྣང་བ་དངོས་མེད་ཉིད།། དབྱེར་མེད་བྱང་ཆུབ་ཆེན་པོར་རྟོགས།། ཐམས་ཅད་དབྱེར་མེད་མཉམ་པའི
iiif viewer powered by OpenSeadragon
