| e-texts navigator |
| Wylie |
307a1 མ།། སྐད་ཅིག་སྔ་མ་འདས་པས་མེད།། ཕྱི་མའི་མ་སྐྱེས་པ་ནི་མེད།། ད་ལྟའི་རིག་པ་སྐད་ཅིག་མ།། དེ་ལ་གཞལ་དུ་མི་བཏུབ་སྟེ།། མཛུབ་མོ་རང་གི་རྩེ་མོ་ལ།། མཛུབ་མོ་རང་གིས་རེག་མི་ནུས།། སྐྱེས
307a2 བུ་ཇི་ལྟར་རྩལ་ཆེ་ཡང་།། རང་ལ་རང་གི་མཆོངས་མི་ནུས།། སྤུ་གྲིའི་སོ་ནི་རྣོ་གྱུར་ཀྱང་།། སོ་ཡིས་སོ་ཉིད་གཅད་དུ་མེད།། མིག་གིས་ཐམས་ཅད་མཐོང་གྱུར་ཀྱང་།། རང་ཉིད་རང་ལ་མཐོང་མི་སྲིད།། དེ་སྐད་མ
307a3 སྦྱངས་སེམས་དཔར་དྲིས།། ལྷན་ཅིག་པ་ཡི་འཁོར་གྱིས་གསུངས།། དཔེར་ན་གཞལ་བྱ་རྫས་གཅིག་པ།། འཇལ་བྱེད་བྲེ་སྲང་ལྟ་བུ་ཡིན།། རྫས་མེད་བྲེ་སྲང་གཞལ་མི་བཏུབ།། སྲང་མེད་རྫས་ཀྱི་ཆེད་མི
307a4 ཤེས།། གཞལ་བྱ་རང་རིག་སྐད་ཅིག་མ།། འཇལ་བྱེད་གཏན་ཚིགས་དེ་ཉིད་གཏོང་།། གཞལ་བྱ་བྱས་ན་གཏན་ཚིགས་མེད།། གཏན་ཚིགས་བྱས་ན་གཞལ་བྱ་མེད།། ཁྱེད་ནི་དེ་ལྟར་འདོད་པ་ཡིན།། བདག་ནི་འདི
307a5 ལྟར་འདོད་པ་སྟེ།། ཞེན་པ་ཤེས་པའི་སྤྱི་ཡུལ་ཡིན།། རིག་པ་སྐད་ཅིག་གནས་འགྱུར་བ།། ཤེས་པ་རང་གི་མཚན་ཉིད་ཡིན།། དེ་ཕྱིར་ཞེན་པའི་སྤྱི་ཡུལ་ལ།། ཤེས་པ་རང་གི་མཚན་ཉིད་འཇལ།། ཡུལ་དང་སེམས་ནི་མ
307a6 འདྲེས་ཕྱིར།། ཞེན་སྣང་རིག་པ་འཇལ་སྐྱོན་མེད།། དང་པོ་ལས་ཀྱི་གང་ཟག་གིས།། འཁོར་འདས་གཉིས་ཞེན་སྣང་བ་ལ།། རང་རིག་རྟོགས་བྱེད་ཚད་མས་གཞལ།། ཞེན་སྣང་འཇལ་ལ་སྐྱོན་པ་མེད།། དེ་སྐད་བརྗོད
iiif viewer powered by OpenSeadragon
