| e-texts navigator |
| Wylie |
306b1 པ།། སྐྱེ་བོ་མ་ངེས་ས་དག་ནས།། གསང་ཆེན་སྔགས་ལ་རབ་ཏུ་འཇུག། ཁ་ཅིག་སྦྱངས་པའི་རིམ་གྱིས་པ།། དཔག་མེད་སྔོན་ནས་ཚེ་འདིར་སྦྱངས།། ཁ་ཅིག་དུས་མཐའི་ཅིག་ཅར་བ།། རྒྱུད་ལུང་མན་ངག་ཆོས་ལ
306b2 འཇུག། སྔོན་གྱི་ལས་འཕྲོ་ཡོད་པ་དང་།། འཕྲལ་དུ་སྐལ་པར་ལྡན་པ་དང་།། དད་པས་ཆོས་ལ་མོས་པ་དང་།། བརྩོན་འགྲུས་དང་དུ་ལེན་པ་དང་།། ཤེས་རབ་རྟོགས་པར་ལྡན་རྣམས་ལ།། ཡིན་པའི་ཐོག་ཏུ་མཚོན
306b3 ནས་བསྟན།། མཚོན་པའི་ཐོག་ནས་གོ་བ་དང་།། གོ་བའི་ཐོག་ནས་རྟོགས་པ་དང་།། རྟོགས་པའི་ཐོག་ནས་ཐོབ་པ་དང་།། ཐོབ་པའི་ཐོག་ནས་གྲོལ་འགྱུར་བས།། མ་ནོར་ངེས་པའི་གཏན་ལ་འབེབས།། དང་པོར
306b4 གཏན་ལ་འབེབས་དུས་སུ།། གཞལ་བྱ་འཁོར་འདས་གཉིས་ལ་འཇལ།། འཁོར་འདས་གཉིས་སུ་ཞེན་པ་ཡིས།། སྣང་བ་གཏན་ལ་དབབ་པར་བྱ།། དེ་ཚེ་གོ་ཕྱིའི་འཁོར་གྱིས་དྲིས།། འདས་པ་ལ་ནི་འཇལ་བ
306b5 ན།། དང་པོ་ལས་ཀྱི་སྤྱོད་ཡུལ་དུ།། འདས་པར་མ་གྱུར་གཞལ་མི་བཏུབ།། འཁོར་བ་ལ་ནི་གཞལ་བ་ལ།། འཁོར་བ་སྤྱི་ཡི་མཚན་ཉིད་ནི།། ད་དུང་མི་རྟོག་གཞལ་མི་བཏུབ།། དེ་བརྟགས་བསམ་བྱུང་ཤེས་རབ
306b6 འགྲོ།། ལས་ནི་དང་པོའི་གང་ཟག་གིས།། ཐོས་པའི་ཆོས་ནི་མ་བྱས་པར།། བསམ་པའི་ཤེས་རབ་མི་འོང་ངོ་།། འཁོར་བ་རང་གི་མཚན་ཉིད་ལ།། དེ་ལ་གཞལ་བྱར་བྱས་འཇལ་ན།། འཁོར་བའི་རང་མཚན་སྐད་ཅིག
iiif viewer powered by OpenSeadragon
