| e-texts navigator |
| Wylie |
306a1 ཞེས་ཀྱང་དེ་ལ་བྱ།། རྡོ་རྗེ་མཆེད་ཀྱིས་ཡང་ཞུས་པ།། ཆོས་ཀྱིས་བསྡུས་པའི་མཆེད་ལྕམ་རྣམས།། གཞི་ཡི་དོན་དུ་གཅིག་པ་ལ།། ཀ་དག་ལྷུན་གྲུབ་ཅི་ཕྱིར་གཉིས།། དཔའ་བོ་དཔའ་མོས་བཀའ་སྩལ
306a2 པ།། ཆོས་ཀྱི་འདྲེས་པའི་རྡོ་རྗེ་མཆེད།། གནས་ལུགས་སྣང་ལུགས་རྣམ་པ་གཉིས།། གནས་ལུགས་དོན་ལ་དབྱེ་བ་མེད།། ལོག་པའི་རྒྱུ་རྐྱེན་ཤེས་རབ་བྲལ།། སྣང་ལུགས་འཁོར་འདས་གཉིས་སུ་སྣང་།། འཁོར་བའི
306a3 སྣང་བ་སེམས་ཉིད་ལ།། སངས་རྒྱས་དགོངས་པ་ལྷུན་གྱིས་གྲུབ།། འདས་པར་སྣང་བའི་སངས་རྒྱས་ལ།། མ་རིག་འཁྲུལ་པ་ཀ་ནས་དག། གནས་ལུགས་སྣང་ལུགས་ཐམས་ཅད་ཀུན།། མ་རྟོགས་རྟོགས་པར་མཚོན
306a4 ཕྱིར་ཕྱེ།། ཡང་དག་དོན་གྱི་གནས་ལུགས་ལ།། རྟོགས་དང་མ་རྟོགས་གྲུབ་པ་མེད།། ཅེས་གསུངས་སོ།། གླང་པོ་རབ་འབོག་གི་རྒྱུད་ལས། འཁོར་འདས་རྩོད་བྲལ་ཆེན་པོའི་གནས་ལུགས་བསྟན་པའི་ལེའུ་སྟེ་བཅུ
306a5 གཉིས་པའོ།། །། དེ་ནས་དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ་འགྲོ་བའི་ཆེད་དུ་འདི་གསུངས་སོ།། བཀའ་དམན་འདུད་པའི་གདུལ་བྱ་རྣམས།། སྦྱངས་པས་ཆོས་ཀྱི་སྣོད་དུ་གྱུར།། དཔག
306a6 མེད་བསྐལ་པར་རྒྱུ་ལ་སྦྱངས།། སྔོན་ཚེ་ཐུབ་རྒྱུད་སྔགས་ལ་སྦྱངས།། ཚེ་འདིར་རྒྱུ་འབྲས་ཆོས་ལ་སྦྱངས།། དེ་ནས་གསང་ཆེན་སྔགས་ལ་འཇུག། ངེས་པ་དོན་གྱི་གདུལ་བྱ་རྣམས།། རང་བཞིན་གྱིས་ནི་སྣོད་གྱུར
iiif viewer powered by OpenSeadragon
