| e-texts navigator |
| Wylie |
305b1 ན་གཞི་ཡོད་འཁྲུལ་པར་འགྱུར།། གཞི་མེད་འཁྲུལ་པར་མི་སྲིད་དེ།། དུང་ལས་སྦྲུལ་དུ་འཁྲུལ་མི་སྲིད།། དཔའ་བོ་དཔའ་མོས་ཡང་གསུངས་པ།། འཁྲུལ་མེད་ཀ་དག་ཡིན་ཤེས་ན།། དེ་ལ་འཁྲུལ་པའི་ཡུལ་མེད
305b2 པས།། གསེར་ལ་གསེར་དུ་རྟོགས་པ་བཞིན།། རྡོ་རྗེ་མཆེད་ཀྱིས་ཡང་ཞུས་པ།། འཁོར་འདས་གཞི་ལ་ལྷུན་གྲུབ་ན།། ཕྱོགས་གཅིག་གྲུབ་བམ་ཕྱོགས་མེད་གྲུབ།། ཕྱོགས་གཅིག་གྲུབ་ན་གཉིས་མ་ཚང་།། མ་གྲུབ་གཞི
305b3 ཡི་ངེས་ཚིག་ཕྱེད།། ཕྱོགས་མེད་གྲུབ་པར་གྱུར་པ་ན།། ཆོས་ཅན་མ་མཐུན་ནང་གྲུབ་འགྱུར།། འདོད་ན་དབང་པོ་མངོན་སུམ་གསལ།། མི་གསལ་བསམས་ན་སྣང་ཞེ་ན།། དེ་ནི་ཕྱོགས་མེད་ཡིན་པར་འགྱུར།། དཔའ
305b4 བོ་དཔའ་མོས་བཀའ་སྩལ་པ།། ཕྱོགས་མེད་ཀུན་ཏུ་རང་ཤར་གཞན།། གང་ལྟར་བལྟས་པ་དེར་སྣང་བས།། འཁྲུལ་མེད་ལྷུན་གྲུབ་གཞིར་རྟོགས་བྱ།། གཞི་དོན་མ་ནོར་ཐ་སྙད་མཚོན།། འཁོར་འདས་རང་སེམས་ཉིད
305b5 ཡིན་པས།། ཏིལ་གོང་བཞིན་དུ་ཡེ་གནས་པ།། གཉིས་སུ་བསྡུས་པ་མ་འདྲེས་ལ།། ཡོངས་སུ་རྫོགས་པ་ལྷུན་གྱིས་གྲུབ།། རྡོ་རྗེ་མཆེད་ཀྱིས་ཡང་ཞུས་པ།། མ་རིག་འཁྲུལ་པ་གྲུབ་མ་གྲུབ།། དཔའ་བོ་དཔའ་མོས
305b6 བཀའ་སྩལ་པ།། ཀུན་གྱི་དངོས་གཞིར་སྣང་བའི་གཞི།། ཡིད་བཞིན་ནོར་བུ་ལྟར་སྣང་བས།། གྲུབ་མ་གྲུབ་ཀྱི་འདམས་ཀ་བྲལ།། འཁོར་འདས་སྣང་བར་ཤར་བ་ནི།། དེ་ནི་འཕྲུལ་པས་དབྱེ་བས་ན།། བརྟག་གཞི
iiif viewer powered by OpenSeadragon
