| e-texts navigator |
| Wylie |
305a1 དམ་མྱ་ངན་འདས་པའི་སྤྱོད་ཡུལ་གཟིགས།། ཀྲི་ཡཱ་རང་ཉིད་རིགས་གསུམ་ཀུན་རྫོབ་འབངས།། ཡེ་ཤེས་སེམས་དཔའ་དོན་དམ་རྗེ་དང་འདྲ།། ཆ་གཉིས་འཛིན་པ་ཀུན་རྫོབ་རིགས་བཞིའི་ལུས།། དོན
305a2 དམ་ཡེ་ཤེས་ལྷ་ནི་རང་སྣང་སྐུ།། རྣལ་འབྱོར་ཀུན་རྫོབ་ལྷ་ནི་རང་ལུས་ཉིད།། དོན་དམ་རྡོ་རྗེ་དབྱིངས་ཏེ་སྤུན་ཟླ་གྲོགས།། མ་ཧཱ་ལོངས་སྐུ་རྟོག་ཚོགས་བདེན་གཉིས་ལྷ།། ཨ་ནུ་དབྱིངས་དང་ཡེ་ཤེས་བདེན་གཉིས
305a3 ལྷ།། ཐེག་བརྒྱད་སྣང་ལུགས་འཁོར་འདས་གཉིས་སུ་བལྟ།། རྫོགས་ཆེན་གནས་ལུགས་ཐིག་ལེ་ཆེན་པོའི་དོན།། རབ་ཞི་སྤྲོས་མེད་ཡོངས་སུ་གཟུང་འཛིན་བྲལ།། ཞེས་གསུངས་སོ།། དེ་ནས་གོ་ཕྱེའི་འཁོར་རྣམས
305a4 ཀྱིས། ལྷན་ཅིག་པའི་འཁོར་རྣམས་ལ་འདི་སྐད་ཅེས་དྲིས་སོ།། གཞི་ཡི་དོན་ནི་ཀ་དག་ན།། མ་རིག་འཁྲུལ་པ་གྲུབ་མ་གྲུབ།། དཔའ་བོ་དཔའ་མོས་བཀའ་སྩལ་པ།། གཞི་ལ་མ་རིག་འཁྲུལ་པ་ནི།། ཀ་ནས་དག་སྟེ
305a5 གྲུབ་མ་མྱོང་།། དུང་ལ་སེར་པོ་མེད་བཞིན་དུ།། མིག་ནད་ཅན་བཞིན་སེར་པོར་སྣང་།། རྡོ་རྗེ་མཆེད་ཀྱིས་ཡང་ཞུས་པ།། འགྲོ་རྣམས་འབད་མེད་གྲོལ་བར་རིགས།། གཞི་ལ་འཁྲུལ་མེད་དག་པའི་ཕྱིར།། གློ་བུར་མིག
305a6 སེར་ཡིན་ཞེ་ན།། རྒྱུད་དག་ལ་ཡང་འཁྲུལ་འབྱུང་འགྱུར།། གཞི་ཡི་ངེས་ཚིག་མི་འཐད་དེ།། འཁོར་འདས་ཆོས་ནི་མི་འབྱུང་ཕྱིར།། མཚུངས་ལྡན་རྒྱུ་ཡང་མེད་པར་འགྱུར།། དུང་ལས་འཁྲུལ་གཞི་ཡོད་དམ་མེད།། ཡོད
iiif viewer powered by OpenSeadragon
