| e-texts navigator |
| Wylie |
304b1 འབར།། བུམ་པ་བཟང་པོ་བདེ་བ་གང་།། མ་རྟོགས་རྟོགས་པས་མུན་པ་སངས།། ཐིག་ལེ་ཆེན་པོ་སྒྲ་བརྗོད་འདས།། དཔའ་བོ་འབྲུ་ལྔ་ཀུན་གྱི་གཞི།། ཞི་ཁྲོ་ལྷ་བརྒྱ་འཁོར་འདས་རྫོགས།། ཞེས་གསུངས་སོ།། གླང་པོ
304b2 རབ་འབོག་གི་རྒྱུད་ལས། གནས་ལུགས་དང་སྣང་ལུགས་ཀྱིས་འཁོར་བ་དང་མྱ་ངན་ལས་འདས་པ་གཏན་ལ་དབབ་པ་སྟེ། ལེའུ་བཅུ་གཅིག་པའོ།། །། དེ་ནས་བཅོམ་ལྡན་འདས་སངས་རྒྱས་ཐམས་ཅད་ཀྱི
304b3 རྗེ་བཙན་དམ་པས། འགྲོ་བའི་འབངས་རྣམས་རྗེས་སུ་བསྐྱང་བའི་ཕྱིར་འདི་གསུངས་སོ།། ལྷུན་གྲུབ་ཀ་དག་སེམས་ཉིད་གནས་ལུགས་གཞི།། འཁོར་འདས་མ་ལུས་འབྱུང་བ་ས་བོན་ཚུལ།། ཀུན་ལ་ཁྱབ་པར་ཡེ་ནས
304b4 རང་གནས་པ།། དེ་ཉིད་མ་རྟོགས་མངོན་དུ་མ་གྱུར་པ།། བྱང་ཆུབ་སེམས་དཔའི་ཤེས་བྱའི་སྒྲིབ་པས་བསྒྲིབས།། འགྲོ་རྣམས་ཉོན་མོངས་ལས་ཀྱི་སྒྲིབ་པས་བསྒྲིབས།། ལམ་ཞུགས་ཐེག་པ་རང་རང་བལྟ་བས
304b5 བསྒྲིབས།། མ་མཐོང་མཐོང་འདོད་རང་གི་སེམས་ལ་ལྟོས།། རབ་འབྱམས་བཀའ་ཡི་དགོངས་པ་བསམ་ཡས་པ།། རྩ་བ་རིག་པ་བྱང་ཆུབ་སེམས་ལ་འདུས།། ཉན་ཐོས་སྡུག་བསྔལ་ཀུན་འབྱུང་འཁོར་བར
304b6 སྣང་།། འགོག་པ་ལམ་ནི་མྱ་ངན་འདས་པར་སྒྲུབ།། རང་རྒྱལ་རྟེན་འབྲེལ་ལུགས་འབྱུང་འཁོར་བར་སྣང་།། ལུགས་ལས་བཟློག་པ་མྱ་ངན་འདས་པར་སྦྱོར།། བྱང་ཆུབ་སེམས་དཔའ་ཀུན་རྫོབ་འཁོར་བའི་ཆོས།། དོན
iiif viewer powered by OpenSeadragon
