| e-texts navigator |
| Wylie |
304a1 རྒྱས་ཡིན།། ཡང་ནི་གོ་ཕྱེའི་འཁོར་གྱིས་དྲིས།། འཁོར་བའི་རྒྱུ་ནི་ཅི་ལས་བྱུང་།། མ་རིག་པ་ལས་བྱུང་གྱུར་ན།། གཞི་ལ་ཡོད་དམ་མེད་པ་ཡིན།། ཡོད་ན་མ་རིག་སྤང་དུ་མེད།། མེད་ན་འོང་བའི་རྩ་བ
304a2 མེད།། མེད་ཀྱང་འབྱུང་བར་གྱུར་པ་ན།། ནམ་མཁའ་ལས་ཀྱང་མེ་ཏོག་སྐྱེ།། ལྷན་ཅིག་འཁོར་ལ་བཀའ་སྩལ་པ།། སེམས་ཉིད་ཡེ་ནས་སངས་རྒྱས་ཀྱང་།། ངེས་པའི་ཤེས་པ་མ་སྐྱེས་པས།། ལྷན་ཅིག་སྐྱེས་པའི་མ
304a3 རིག་པ།། གཞི་ལ་མེད་ཀྱང་གློ་བུར་སྣང་།། དཔེར་ན་ནམ་མཁའི་སྤྲིན་དང་འདྲ།། གོ་ཕྱེའི་འཁོར་གྱིས་ཡང་དྲིས་པ།། འཁོར་བའི་སེམས་ལ་གཞི་རྩ་མེད།། དེ་ལ་རྟོགས་པར་བྱར་ཡོད་ན།། ནམ་མཁའ་ཡེ་ནས་སྟོང་པ
304a4 དེ་ལས་སྟོང་པ་གཉིས་མི་རྙེད།། དེ་ཕྱིར་སངས་རྒྱས་གང་རྟོགས་སྣང་།། ལྷན་ཅིག་པ་ཡི་འཁོར་གྱིས་གསུངས།། དཔེར་ན་མིག་གིས་གཞན་མཐོང་ཡང་།། མིག་ན་རྡུལ་སོང་དེ་མ་མཐོང་།། མེ་ལོང་ནང་བལྟས
304a5 རྡུལ་འབྱིན་ལྟར།། རང་སེམས་རང་གིས་མ་རིག་པས།། ཆོས་ཀྱི་དབྱིངས་ཀྱི་མེ་ལོང་བལྟས།། སྐྱེ་མེད་སྤྲོས་བྲལ་མངོན་དུ་བྱས།། ཡུལ་སེམས་གཉིས་མེད་དབྱིངས་སུ་ཐིམ།། མ་རིག་ལྟ་ངན་ཉེས་པ་བྲལ།། ཡེ་ཤེས
304a6 མཁྱེན་པའི་ཉི་མ་ཤར།། མ་རིག་པ་ཉིད་རིག་པར་གྲོལ།། རེག་པ་ཡེ་འབྱམས་ཀློང་ཡང་གད་ལ།། ཉི་མའི་དཀྱིལ་འཁོར་ཤར་ནུབ་མེད།། དཔག་བསམ་ཤིང་ཆེན་ཡོངས་སུ་རྒྱས།། ཡིད་བཞིན་མཆོད་སྡོང་ཀུན་ལ
iiif viewer powered by OpenSeadragon
