| e-texts navigator |
| Wylie |
303a1 འདྲ།། པདྨ་ཡིད་འོང་ལེགས་པར་བྱ།། སྦྲང་རྩི་འཛག་པར་གྱུར་པས་ན།། དད་ལྡན་སྙིང་རྗེ་ཤེས་རབ་ཆེ།། ཟོས་ནས་ཁ་ཕྱེའི་ཚིག་དོན་བརྗོད།། ཙནྡན་སྡོང་ཆུང་དྲི་ལྡན་ཕྲ།། འདབ་མ་དུག་བུལ་བླང
303a2 བར་དཀའ།། ཐོས་ཉུང་ང་རྒྱལ་རྩ་མེད་སྒྲ།། རྗེས་སུ་གཟུང་བར་མི་ནུས་སོ།། རིན་ཆེན་རང་དག་གཞན་དོན་མཛད།། འདོད་འབྱུང་ནོར་བུས་དོན་བྱེད་ལྟར།། དམ་ལྡན་འཛིན་མཁས་ཤེས་རབ་ལྡན།། རྒྱུད
303a3 གཅིག་ཐོས་ནས་ལེན་པར་སྟོན།། བདེན་པའི་དགོངས་པ་རྣམ་པ་གཉིས།། ཀུན་རྫོབ་བསྐྱེད་རིམ་སྐུ་ལུས་བསྒོམ།། དོན་དམ་རྫོགས་རིམ་འོད་གསལ་བསྒོམ།། ཞེས་གསུངས་སོ།། གླང་པོ་རབ་འབོག་གི་རྒྱུད་ལས།
303a4 གསང་སྔགས་གསང་བའི་རྒྱུད་ཐམས་ཅད་ལ་རྒྱན་བདུན་གྱི་བཤད་པར་བསྟན་པའི་ལེའུ་སྟེ་བཅུ་པའོ།། །། དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས་དམིགས་པར་བྱ་བའི་བརྟག་བྱ་གཏན་ལ་འབེབས
303a5 པའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་གསུངས་སོ།། ཆོས་རྣམས་མ་ལུས་ཐམས་ཅད་ཀུན།། གནས་ལུགས་སྣང་ལུགས་གཉིས་སུ་འདུས།། དེ་ཡང་ཇི་ལྟ་བུ་ཞེ་ན།། གནས་ལུགས་ངོ་བོ
303a6 ཉིད་ཀྱི་གཞི།། གཉིས་མེད་རིས་བྲལ་ཀུན་ངོ་བོ།། སྣང་ལུགས་འཁོར་འདས་གཉིས་སུ་སྣང་།། མ་རྟོགས་པ་དང་རྟོགས་པར་འགྱུར།། དེ་ནས་མ་སྦྱངས་གོ་ཕྱེའི་འཁོར།། ལྷན་ཅིག་པ་ལ་འདི་སྐད་ཞུས།། འགྲོ་དྲུག
iiif viewer powered by OpenSeadragon
