| e-texts navigator |
| Wylie |
302b1 པ།། དེ་བཞིན་གཤེགས་པའི་སྤྱོད་ཡུལ་ཏེ།། ཨ་འབྲས་ཆུམ་འབྲུམ་པ་ན་སེ།། ན་ལེ་གེ་རྒྱས་ཨ་ག་རུ།། ཀོ་ཊ་ཀྵ་ནི་སྲིན་པོའི་སྐད།། ཀུན་མཁྱེན་དགོངས་པས་ཤེས་པར་འགྱུར།། བཤད་པའི་ཚུལ་བཞི་ཚིག་དོན
302b2 དང་།། སྤྱི་སྦས་མཐར་ཐུག་དོན་དུ་བཤད།། ཚིག་དོན་མིང་ཚིག་སྒྲ་འབྱོར་ལ།། རུས་སྦལ་བསྣུར་འགྲོས་ལྟ་བུ་ཉིད།། སྤྱི་དོན་མདོ་སྔགས་རྣམ་པ་གཉིས།། མདོ་ལ་ཞུགས་ནས་འདོད་པ་ཟློག། སྔགས་ལ་ཞུགས་ནས
302b3 བསྐྱེད་རྫོགས་བསྒོམ།། སྤྱིར་སྡུད་སེང་གེའི་མཆོངས་པས་བཤད།། སྦས་བཤད་རྩ་རླུང་ཐིག་ལེ་སྔགས།། སེམས་ཅན་ལུས་སྦས་སྟོན་པས་འབྱིན།། འདོད་ཆགས་ཀུན་རྫོབ་ཡེ་ཤེས་གསུམ།། རྒྱུད་སྦས་ཐུགས་གབ་རྣ
302b4 བརྒྱུད་འཛིན།། མཐར་ཐུག་འཁོར་འདས་དབྱེར་མེད་ཆོས།། རང་བཞིན་འོད་གསལ་ཟུང་དུ་འཇུག། ཉན་བཤད་དབྱེ་བ་རྣམ་པ་གཉིས།། ཚོགས་དང་སློབ་མ་ཕྱི་དང་ནང་།། ཚོགས་བཤད་སྒྲ་བཞིན་དགོངས་པ
302b5 ཡིན།། དྲང་དོན་ཡི་གེ་སྤྱི་ཡི་དོན།། སློབ་བཤད་སྒྲ་ཉིད་ཇི་བཞིན་མིན།། ངེས་དོན་དགོངས་ཏེ་སྦས་མཐར་ཟུག། སྣོད་ཀྱི་གང་ཟག་རྣམ་པ་ལྔ།། ཨུཏྤལ་པདྨ་དཀར་པོ་དང་།། པདྨ་དམར་པོ་ཙནྡན་དང་།། རིན་ཆེན
302b6 ལྟ་བུའི་གང་ཟག་ལྔས།། གསང་སྔགས་སྣོད་རྣམས་གཏན་ལ་དབབ།། ཨུཏྤལ་མང་འཛིན་ཡལ་བ་སྐྱེན།། ཐོས་མང་འཛིན་མཁས་རྗེད་པར་སླ།། པད་དཀར་སྦྲང་མ་སྦྲང་རྩི་འཛིན།། ཐོས་མང་བུམ་ནང་རས་བལ
iiif viewer powered by OpenSeadragon
