| e-texts navigator |
| Wylie |
302a1 བཞིར་སྤྱོད།། རྒྱས་བཤད་མཐའ་དྲུག་དྲང་དོན་ངེས།། དགོངས་དང་དགོངས་མིན་ཇི་བཞིན་བཤད།། ཇི་བཞིན་མ་ཡིན་བཤད་པ་ཡིས།། ཚིག་ཚོགས་རྒྱ་མཚོ་འགྲོལ་བར་བྱེད།། དྲང་བའི་དོན་དུ་བཤད
302a2 པ་ཉིད།། ཉན་རང་མུ་སྟེགས་ནང་དང་ཕྱི།། འཇིག་རྟེན་ལྷ་ཀླུ་མཁའ་འགྲོ་མ།། རང་རང་ལྟ་སྤྱོད་བཤད་ན་དྲང་།། གསང་སྔགས་ངེས་པའི་དོན་ལ་གཟུང་།། ཡང་དག་དོན་སྟོན་ངེས་པའི་དོན།། སེམས་ཉིད་ཡེ་ནས
302a3 སངས་རྒྱས་པས།། འཁོར་བ་ཀ་དག་དྲི་མ་མེད།། ཉི་མའི་དཀྱིལ་འཁོར་བཞིན་དུ་གནས།། དགོངས་པས་བཤད་པ་བློ་རབ་ལ།། དེ་བཞིན་གཤེགས་པའི་ཚོགས་བསད་ན།། བདག་གཞན་དངོས་གྲུབ་ཐོབ་པར
302a4 འགྱུར།། ཞེ་སྡང་ཤན་པ་རྡོ་རྗེའི་རིགས།། གཏི་མུག་གླེན་པ་དེ་བཞིན་རིགས།། འདོད་ཆགས་ཡི་དྭགས་པདྨའི་རིགས།། དུག་གསུམ་ཞིང་བཅུའི་ཕུང་པོ་བསད།། སེམས་ཉིད་སངས་རྒྱས་སྲས་སུ་བསྒྲལ།། རྒྱུ་འབྲས
302a5 བསོད་ནམས་ཡེ་ཤེས་ཚོགས།། བདག་གཞན་གཉིས་ཀས་ཐོབ་པར་འགྱུར།། དགོངས་མིན་དབང་པོར་དམན་པ་ལ།། ལྷ་དམན་སྔགས་ཀྱི་ལྷ་ཟབ་འབྲི།། སེམས་ནི་སངས་རྒྱས་འགྲུབ་པའི་རྒྱུ།། ཚོགས་གཉིས་འབད
302a6 པས་འབྲས་བུ་འགྲུབ།། སྒྲ་ནི་ཇི་བཞིན་བཤད་པ་གང་།། དཀྱིལ་འཁོར་བྲིས་དང་དམ་ཚིག་བསྲུང་།། ལྷ་ཀུན་སྒོམ་དང་གསང་སྔགས་བཟླས།། སློབ་མ་དབང་བསྐུར་དངོས་གྲུབ་བླང་།། སྒྲ་ནི་ཇི་བཞིན་མ་ཡིན
iiif viewer powered by OpenSeadragon
