| e-texts navigator |
| Wylie |
301b1 བསྐྱེད་ལ་མཆོད་པ་འབུལ།། ཕྲིན་ལས་རྣམ་བཞི་བསྙེན་བསྒྲུབ་བཞི།། ཏིང་འཛིན་བསྒོམ་དང་གསང་སྔགས་བཟླས།། འདི་བཅུ་རྒྱུད་དོན་རང་བཞིན་ཅན།། ལྡང་ཚད་ཡིན་པར་རྒྱལ་བས་གསུངས།། དགོས་པའི
301b2 དགོངས་པ་བསམ་ཡས་རྣམས།། ལས་ཚོགས་ཐུན་མོང་དངོས་གྲུབ་བསྒྲུབ།། མཚན་བཅས་མཚན་མ་མེད་པ་ཡི།། མཆོག་གི་དངོས་གྲུབ་བསྒྲུབ་པས་འགྲུབ།། སངས་རྒྱས་པ་ཡི་ཚུལ་བཞི་ནི།། རྒྱུད་དང་གླེང་གཞི་ངེས
301b3 ཚིག་རྒྱུ།། ཆགས་བྲལ་ཆགས་སངས་རྒྱ་བ་ཡང་།། མཚན་ཉིད་སྔགས་ཀྱི་དགོས་པའོ།། འདོད་ཆགས་བྲལ་བའི་ཚུལ་བཞི་ནི།། རྒྱུ་ནི་མི་ཡི་ལུས་ཡིན་ཏེ།། སྡོམ་པ་འཆགས་པའི་རྟེན་ཅན་ཡིན།། གླིང་བཞི་རབ་ཏུ་བྱུང
301b4 བ་སྟེ།། འདོད་ཆགས་སྤངས་པའི་རྟགས་རྣམས་འཆང་།། ངེས་ཚིག་འདུལ་བའི་སྡོམ་པ་བླངས།། ཉོན་མོངས་དུག་གསུམ་རྟ་རྒོད་འདུལ།། དེ་རྒྱུ་འབྲས་བུ་སངས་རྒྱས་འདོད།། ཚོགས་གཉིས་ཡུན་རིང་བསགས་པས
301b5 འགྲུབ།། འཁོར་བ་སྤངས་ནས་འདས་པ་བསྒྲུབ།། འདོད་ཆགས་བཅས་པའི་ཚུལ་བཞི་ཡང་།། གསང་སྔགས་ཆགས་བཅས་གསང་བ་ཉིད།། རྒྱུ་ནི་ལྷ་ཡི་ལུས་ཀྱི་སྟེ།། ཕུང་པོ་སངས་རྒྱས་ལྔ་བདག་ཉིད།། གླེང་གཞི
301b6 རིགས་ལྔ་རིགས་གཅིག་འགྱུར།། ཕུང་པོ་ལྔ་པོ་སེམས་ཉིད་ལུས།། ངེས་ཚིག་སྔགས་ཀྱི་དམ་ཚིག་བླངས།། རྩ་བ་ཡན་ལག་རྡོ་རྗེ་འཛིན།། རྒྱུ་ནི་སྒེག་སོགས་སྤྱོད་པ་སྟེ།། འདོད་ཆགས་བཞི་ནི་དགའ
iiif viewer powered by OpenSeadragon
