| e-texts navigator |
| Wylie |
301a1 རྒྱུད་ཆེན་ཡིན།། ཆོས་རྣམས་མིང་དུ་མ་གྲུབ་ཀྱང་།། སྟོན་པས་གདུལ་བྱའི་བློར་བསྟུན་ནས།། མེད་ལ་ཡོད་པར་མིང་དུ་བཏགས།། སྐུ་གསུང་ཐུགས་དང་ཡོན་ཏན་ལས།། རྩ་རྒྱུད་བཤད་རྒྱུད་དུ་མའི
301a2 མིང་།། གདུལ་བྱ་རྣམས་ལ་མཚན་དུ་བཏགས།། དཔེ་དོན་ཡུལ་དང་གང་ལྡང་ལ།། སོ་སོར་མཚན་དུ་གྲགས་པ་ཡིན།། རྟེན་གྱི་གང་ཟག་བསམ་ཡས་ཀྱང་།། གཏི་མུག་ཅན་ནི་རྒྱལ་པོའི་རིགས།། ང་རྒྱལ་ཅན་ནི་རྗེའུ
301a3 རིགས།། ཞེ་སྡང་ཅན་ནི་བྲམ་ཟེའི་རིགས།། འདོད་ཆགས་ཅན་ནི་དམངས་ཀྱི་རིགས།། ཕྲག་དོག་ཅན་ནི་གདོལ་པའི་རིགས།། དེ་སྙེད་གདུལ་བྱ་བསམ་ཡས་པའི།། གང་ཟག་རིགས་ལ་དགོངས་ནས་གསུངས།། སྟོན
301a4 པ་གདུལ་བྱ་ཐ་དད་པས།། སྤྱི་ཡི་སྟོན་པ་ཀུན་བཟང་ཉིད།། ཁྱད་པར་སྟོན་པ་སྐུ་གསུམ་ཤར།། ཀུན་བཟང་སྐུ་ལྔ་དབྱེར་མེད་པ།། རིགས་བདག་ཀུན་གྱི་སྤྱི་གཟུགས་ཅན།། སྐུ་བཞི་ཀུན་བཟང་དབྱེར་མེད་པ།། གསང
301a5 བ་མཆོག་གི་བདག་པོར་བཞགས།། རིགས་ལྔ་ཀུན་བཟང་དབྱེར་མེད་པ།། རྒྱལ་བ་དྲུག་པ་རྡོ་རྗེ་འཆང་།། སྟོན་པའི་བདག་ཉིད་ཀུན་བཟང་ཉིད།། རང་བཞིན་ཆོས་སྐུ་སྤྲོས་དང་བྲལ།། ངོ་བོ་ལོངས་སྐུ་རྣམ་པར
301a6 གསལ།། མཛད་སྤྱོད་སྦྲུལ་སྐུ་བསམ་མི་ཁྱབ།། འཆད་པའི་སྐྱེས་བུ་རིགས་ལྔ་ཉིད།། བསམ་གྱིས་མི་ཁྱབ་སྣང་བར་འགྱུར།། ལྟ་བ་དང་ནི་སྤྱོད་པ་དང་།། དབང་བསྐུར་བ་དང་དམ་ཚིག་བསྲུངས།། དཀྱིལ་འཁོར
iiif viewer powered by OpenSeadragon
