| e-texts navigator |
| Wylie |
300b1 འཁོར་བྱིན་གྱིས་བརླབ་པའི་ཕྱིར། སེང་གེ་རྣམ་པར་བསྒྱིངས་པའི་ཏིང་ངེ་འཛིན་ལ་སྙོམས་པར་ཞུགས་ནས། ལྷན་ཅིག་པའི་འཁོར་དང་། གོ་ཕྱེ་བའི་འཁོར་གྱིས་རྒྱུད་མེ་ལོང་ལྟར་གསལ་བར་གྱུར་པ་འདི་ཆེད་དུ
300b2 གླེངས་སོ།། གསང་བ་གསང་ཆེན་གསང་མཆོག་རྒྱུད།། རྒྱན་བདུན་དག་ཏུ་རྣམ་པར་གནས།། དེ་ཡི་དབྱེ་བ་ཇི་ལྟར་ལགས།། གོ་ཕྱེའི་འཁོར་རྣམས་མཐུན་པར་ཞུས།། གསང་བ་རྒྱུད་ཀྱི་བྱ་བ་བསྐྱེད།། གསང་ཆེན
300b3 ལུང་གི་བསྒྲུབ་པ་མཛད།། གསང་མཆོག་མན་ངག་དགོངས་པ་མཛད།། གླེང་བསླངས་སངས་རྒྱས་རྒྱས་བཤད་དབྱེ།། སྣོད་ལྡན་རྒྱན་བདུན་རྨོངས་སེལ་བ།། ལྷན་ཅིག་པ་ཡི་འཁོར་རྣམས་ཀྱིས།། མགྲིན་གཅིག
300b4 མཐུན་པར་གྱུར་པ་ཡིས།། རབ་ཏུ་རྒྱལ་བ་རྣམས་ཀྱིས་བཤད།། གླེང་བསླངས་པ་ཡི་གྲངས་ནི་ལྔ།། སངས་རྒྱས་པ་ཡི་ཚུལ་ནི་བཞི།། བཤད་པའི་མཐའ་ནི་རྣམ་པ་དྲུག། བཤད་པའི་ཚུལ་ཡང་རྣམ་པ་བཞི།། བཤད་པ
300b5 དབྱེ་བའི་རིམ་པ་གཉིས།། སྣོད་ཀྱི་གང་ཟག་རྣམ་པ་ལྔ།། བདེན་པའི་དགོངས་པ་རྣམ་པ་གཉིས།། གསང་སྔགས་རྒྱུད་རྣམས་བཤད་པ་ཡིན།། གླེང་བསླངས་པ་ཡི་གྲངས་ལྔ་ནི།། རྒྱུད་འདིའི་མིང་ནི་ཅི་ཞིག
300b6 ཡིན།། གང་ཟག་གང་དོན་རྒྱུད་འདི་གསུངས།། བྱེད་པའི་སྟོན་པ་སུ་ཞིག་ཡིན།། རྒྱུད་འདིའི་ལྡང་ཚད་གང་ཡིན་ལ།། འདི་ཡི་དགོས་པ་ཅི་ཞིག་ཡོད།། གསང་བ་བས་ཀྱང་ཆེས་གསང་བ།། གསང་སྔགས་གསང་བའི
iiif viewer powered by OpenSeadragon
