| e-texts navigator |
| Wylie |
300a1 དུར་ཁྲོད་རྣམས།། གནས་ཀྱིས་འདུལ་བར་དགོངས་པ་རྣམས།། ཧེ་རུ་ཀ་ཡི་གནས་བཅུར་བསྟན།། ལ་ལར་ཚངས་པའི་གཟུགས་སུ་སྟོན།། ལ་ལར་དབང་ཕྱུག་ཆེན་པོར་སྣང་།། ལ་ལར་ལྷ་ཆེན་ཉིད
300a2 ཡིན་ལ།། ལ་ལར་བརྒྱ་བྱིན་སྐུར་སྣང་བ།། ཚངས་པ་རྟ་ཡི་མགོ་ཅན་དང་།། གུ་ལང་གླང་གི་མགོ་ཅན་དང་།། ཁྱབ་འཇུག་སེང་གེའི་མགོ་ཅན་སོགས།། འཇིག་རྟེན་ཐབས་ཀྱིས་འདུལ་བའི་ཕྱིར།། འཇིག་རྟེན་ལྷ་ཡིས
300a3 གཟུགས་ཀྱིས་འདུལ།། ལ་ལར་བདེ་གཤེགས་མཁའ་འགྲོ་མ།། ལ་ལར་རིན་ཆེན་མཁའ་འགྲོ་མ།། ལ་ལར་པདྨ་མཁའ་འགྲོ་མ།། ལ་ལར་ལས་ཀྱི་མཁའ་འགྲོ་མ།། ལ་ལར་རྡོ་རྗེ་མཁའ་འགྲོ་མ།། བུད་མེད
300a4 ཚོགས་རྣམས་འདུལ་བར་འགྱུར།། འདུལ་བའི་དུས་ལ་བབ་གྱུར་ན།། སྣོད་ཀྱི་འཇིག་རྟེན་རྫས་དག་ལ།། དམ་ཆོས་བསྟན་པའི་སྒྲ་སྒྲོགས་ཤིང་།། སྟོང་ཉིད་ནམ་མཁའི་དཀྱིལ་འཁོར་ནས།། ཆོས་ཀྱི་བསྟན་པ་ཆར
300a5 འབེབས་པས།། འདུལ་བ་མདོ་སྡེ་མངོན་པའི་ཆོས།། སྣོད་ཀྱི་འཇིག་རྟེན་སྒྲ་གྲགས་སྟོན།། བཅུད་ཀྱི་སྐྱེ་འགྲོས་ཞུ་ཞིང་འཆང་།། མཚན་ཉིད་རྒྱུ་ཡི་སྡེ་སྣོད་དང་།། གསང་སྔགས་འབྲས་བུའི་རྒྱུད་སྡེ་རྣམས།། གདུལ་བྱ
300a6 རྣམས་དང་མཐུན་པ་རུ།། སངས་རྒྱས་སྤྲུལ་པས་གསུངས་པར་བྱེད།། ཅེས་གསུངས་སོ།། གླང་པོ་རབ་འབོག་གི་རྒྱུད་ལས། ཆོས་ཀྱི་འཁོར་ལོ་སྣང་བའི་ལེའུ་སྟེ་དགུ་པའོ།། །། དེ་ནས་རྡོ་རྗེ་འཆང་ཆེན་པོས
iiif viewer powered by OpenSeadragon
