| e-texts navigator |
| Wylie |
299a1 ཚིགས་སུ་བཅད་པའི་སྡེ།། ལ་ལར་ཆེད་དུ་བརྗོད་པའི་སྡེ།། ལ་ལར་གླེང་གཞིའི་སྡེ་དང་ནི།། ལ་ལར་རྟོགས་པ་བརྗོད་པའི་སྡེ།། དེ་ལྟ་བུ་རུ་བྱུང་བའི་སྡེ།། ལ་ལར་སྐྱེས་པ་རབས་ཀྱི་སྡེ།། ལ་ལར་ཤིན
299a2 ཏུ་རྒྱས་པའི་སྡེ།། རྨད་དུ་བྱུང་བའི་ཆོས་ཀྱི་སྡེ།། གཏན་ལ་ཕབ་པས་བསྟན་པའི་སྡེ།། གསུང་རབ་ཡན་ལག་བཅུ་གཉིས་རྣམས།། གདུལ་བྱར་གྱུར་ལ་གང་མོས་གསུངས།། ལ་ལར་ལྷུམས་སུ་ཞུགས་པར་སྟོན།། ལ
299a3 ལར་ལྷུམས་ནས་བལྟམས་པ་དང་།། ལ་ལར་གཞོན་ནུ་རོལ་རྩེད་མཛད།། ལ་ལར་ཁབ་ཏུ་བཞེས་པ་དང་།། ལ་ལར་རབ་ཏུ་བྱུང་བ་དང་།། ལ་ལར་དཀའ་ཐུབ་མཛད་པར་སྣང་།། ལ་ལར་ཆོ་འཕྲུལ་བསྟན་པ
299a4 དང་།། ལ་ལར་སངས་རྒྱས་མཛད་པ་དང་།། ལ་ལར་བདུད་རྣམས་བཏུལ་བ་དང་།། ལ་ལར་ཆོས་ཀྱི་འཁོར་ལོ་བསྐོར།། ལ་ལར་མྱ་ངན་འདས་པ་དང་།། ལ་ལར་སྐུ་གདུང་བགོད་པ་མཛད།། སངས་རྒྱས་མཛད་པ
299a5 ཅུ་གཉིས་ཀྱིས།། གདུལ་བྱ་མ་ལུས་འདུལ་བར་འགྱུར།། གཏི་མུག་རྨོངས་པའི་གདུལ་བྱ་རྣམས།། བདེ་གཤེགས་སྣང་མཛད་འབྱུང་བར་འགྱུར།། ཞེ་སྡང་མནར་སེམས་འདུལ་དོན་དུ།། རྡོ་རྗེ་སེམས་དཔའ་འབྱུང
299a6 བར་འགྱུར།། ང་རྒྱལ་མངོན་པ་འདུལ་བའི་ཕྱིར།། རིན་ཆེན་འབྱུང་ལྡན་འབྱུང་བར་འགྱུར།། འདོད་ཆགས་ཅན་རྣམས་འདུལ་བའི་ཕྱིར།། སྣང་བ་མཐའ་ཡས་འབྱུང་བར་འགྱུར།། ཕྲག་དོག་ཅན་རྣམས་འདུལ་བའི
iiif viewer powered by OpenSeadragon
