| e-texts navigator |
| Wylie |
298a1 དངོས་གྲུབ་འཐོབ་པར་འགྱུར།། ཡུལ་དང་ཕྲད་ནས་ཐུགས་རྔ་སྐྱེ་བ་ནི།། སྤྲུལ་པའི་སྐུ་ཡིས་གདུལ་བྱ་གཟིགས་མཛད་པ།། མ་ངེས་འཁོར་ལ་སྡེ་སྣོད་རྒྱུད་རྣམས་གསུངས།། བཟང་པོའི་ཡུལ་དང་ཕྲད
298a2 པར་སྣང་བ་ཡིན།། གདུག་པ་གདུལ་བྱའི་དོན་དུ་ཁྲོ་བོར་བསྟན།། ངན་པའི་ཡུལ་དང་ཕྲད་པར་སྣང་བ་ཡིན།། གང་ལ་ཅིས་འདུལ་དེ་ལ་དེར་སྟོན་པ།། སྣ་ཚོགས་ཡུལ་དང་ཕྲད་པར་སྣང་བ་ཡིན།། རྗེས་འཇུག་རྣལ
298a3 འབྱོར་ཆེན་པོ་སྒྲུབ་པ་པོས།། སྣོད་ལྡན་བུ་ལ་གསང་བའི་མན་ངག་སྦྱིན།། བཟང་པོའི་སྣོད་དང་ཕྲད་པར་གྱུར་པ་ཡིན།། ཞིང་བཅུ་གདུག་པ་མ་ལུས་བསྒྲལ་བྱས་ནས།། གནས་ངན་ངན་སོང་གནས་རྣམས་སྒྲོལ་མཛད
298a4 པ།། ངན་པའི་ཡུལ་དང་ཕྲད་པར་གྱུར་པ་ཡིན།། རབ་འབྲིང་ཐ་མའི་དབང་པོ་མཐུན་རྟོགས་པ།། སྣ་ཚོགས་ཡུལ་དང་ཕྲད་པར་གྱུར་པ་ཡིན།། ཕྱོགས་གཅིག་སྙིང་རྗེ་འགྲོ་བ་ཀུན་ལ་ཡོད།། ཁྲ་དང་སྦྱང་ཀིས་རང་གི་བུ
298a5 ཉིད་གསོ།། མཚན་ཉིད་ཉན་རང་ཐེག་པ་ཆུང་ངུ་ལ།། སེམས་ཅན་རྣམས་ལ་དམིགས་པའི་སྙིང་རྗེ་ཡོད།། ཚད་མེད་བཞི་ཡིས་འགྲོ་དོན་ཡིད་ལ་བྱེད།། མདོ་སྡེ་བྱང་ཆུབ་སེམས་དཔའི་ཐེག་ཆེན་ལ།། ཆོས་ལ་དམིགས
298a6 པའི་སྙིང་རྗེ་ཆེན་པོ་ཡིས།། ཀུན་རྫོབ་བྱང་ཆུབ་མཆོག་ཏུ་སེམས་བསྐྱེད་ནས།། བསྡུ་བའི་དངོས་པོ་བཞི་ཡིས་དོན་རྣམས་མཛད།། གསང་བ་བྱ་སྤྱོད་རྣལ་འབྱོར་རྒྱུད་རྣམས་ནི།། ཐུགས་རྗེ་ཆེན་པོས་གཞན་དོན་དང་དུ
iiif viewer powered by OpenSeadragon
