| e-texts navigator |
| Wylie |
297b1 རིག་པ་ལ།། མཆོད་བྱ་གྲུབ་པའི་གནས་མེད་པས།། ཆོས་སྐུ་གཅིག་ལ་རོལ་པར་ཤར།། ཞེས་གསུངས་སོ།། གླང་པོ་རབ་འབོག་གི་རྒྱུད་ལས། ཐེག་པ་ཐམས་ཅད་ཀྱི་ཁྱད་པར་ཕྱེ་བ་སྟེ་ལེའུ་བདུན
297b2 པའོ།། །། དེ་ནས་རྡོ་རྗེ་འཆང་ཆེན་པོས་ཐམས་ཅད་མཁྱེན་པའི་ཡེ་ཤེས་ཆེན་པོའི་གཟིགས་པ་འདི་འགྲོ་བའི་ཆེད་དུ་གསུངས་པའོ།། དྲི་མེད་ཆོས་ཀྱི་སྐུ་ཡི་ཐུགས་རྗེ་ནི།། ནམ་མཁའི་མཐའ་དང་མཉམ་པའི
297b3 གདུལ་བྱ་ལ།། དམིགས་པ་མེད་པའི་མཛད་པ་ཀུན་ལ་ཁྱབ།། ཆུ་བོའི་རྒྱུན་ལྟར་རྟག་པར་རྒྱུན་དུ་སྐྱེ།། རྡོ་རྗེའི་སྐུ་དང་མངོན་པར་བྱང་ཆུབ་སྐུ།། རང་བཞིན་ཤུགས་ཀྱི་ཐུགས་རྗེ་སྐྱེ་བ་ནི།། དབྱར་དགུན་སྟོན་དཔྱིད་ཉི
297b4 མའི་དཀྱིལ་འཁོར་ལྟར།། མ་བྱས་བྱེད་མེད་རང་བཞིན་ངང་གིས་སྣང་།། ལོངས་སྤྱོད་རྫོགས་པའི་སྐུ་ལ་ཐུགས་རྗེ་ནི།། བསྐུལ་ཞིང་གསོལ་བ་བཏབ་པས་སྐྱེ་བར་འགྱུར།། ས་བཅུ་ཐོབ་པའི་བྱང་ཆུབ་སེམས་དཔའ
297b5 རྣམས།། ལྷན་ཅིག་པ་དང་གོ་ཕྱེའི་འཁོར་རྣམས་ལ།། འགྲོ་བའི་དོན་ལ་སྐུལ་མ་འདེབས་པ་ཡིས།། གསང་བའི་བ་དན་རྒྱ་ཆེར་སྒྲོགས་པར་འགྱུར།། འདི་ནི་སྔོན་བྱུང་ཡིན་ཞེས་དོན་ཡང་བསྟན།། དེ་བཞིན་རྗེས་སུ
297b6 འདུག་པར་བྱེད་པ་རྣམས།། བསམ་གཏན་རང་བཞིན་དཀྱིལ་འཁོར་བསྐྱེད་བྱས་ནས།། ཡེ་ཤེས་དཀྱིལ་འཁོར་གཉིས་སུ་མེད་པར་བསྒྲུབ།། འདོད་པའི་དོན་ལ་བསྐུལ་ཞིང་གསོལ་བ་འདེབས།། ཐུན་མོང་མཆོག་གི
iiif viewer powered by OpenSeadragon
