| e-texts navigator |
| Wylie |
297a1 སྦྱངས་པའི་རིགས་གསུམ་པས།། རྡོ་རྗེ་འཛིན་པའི་ས་འཐོབ་འགྱུར།། རིགས་བཞི་ལྷ་འདོད་ཆ་གཉིས་འཛིན།། རིགས་བཞི་རྡོ་རྗེ་འཆང་སར་འགྲོ།། རིགས་ལྔ་བསྒོམས་པའི་རྣལ་འབྱོར་ནི།། སྟུག་པོ
297a2 བཀོད་པའི་ས་འཐོབ་འདོད།། རྣལ་འབྱོར་ཆེན་པོ་ནང་པ་ནི།། མ་ཆགས་པདྨ་ཅན་གྱི་སར།། ཡི་གེ་འཁོར་ལོ་ཚོགས་ཆེན་ལ།། སྐུ་ལྔ་ལྷུན་གྱིས་གྲུབ་པ་འཐོབ།། རྗེས་སུ་རྣལ་འབྱོར་ཆེན་པོ་ནི།། མཚན་རྫོགས་རྡོ་རྗེ
297a3 འཆང་གི་སར།། བཅུ་བཞི་རྡོ་རྗེ་འཛིན་པ་འཐོབ།། རྫོགས་པ་ཆེན་པོའི་རྣལ་འབྱོར་པ།། ཀུན་བཟང་དབྱེ་བ་མེད་པའི་ས།། ཆོས་སྐུ་ཐེག་ཆེན་ཀུན་ཏུ་བརྡལ།། ཐིག་ལེ་ཆེན་པོ་གཅིག་ཏུ་འཐོབ།། ཕྱལ་པ་རྒྱང་འཕན
297a4 བཟའ་བཏུང་གིས།། གངས་རི་ཡུལ་ལྷ་མཆོད་པར་བྱེད།། མུ་སྟེགས་སྲོག་ཆགས་ཤ་ཁྲག་གིས།། ཕྲ་དང་དབང་ཕྱུག་ལ་སོགས་མཆོད།། ཉན་ཐོས་རང་རྒྱལ་བྱང་ཆུབ་སེམས།། གཙང་མའི་མཆོད་པ་སྣ་ཚོགས
297a5 པས།། དཀོན་མཆོག་རྣམ་པ་གསུམ་མཆོད་པ།། ཟས་མཆོག་གཙང་མའི་སྣོད་ཀྱིས་འབུལ།། ཀྲི་ཡཱ་ཨུ་པ་ཡོ་ག་པ།། དུང་ཆོས་ནང་གི་སྣོད་ནང་དུ།། ཡི་དམ་ལྷ་ལ་མཆོད་པ་འབུལ།། སྦྱིན་གཏོང་གནས་སུ་གཏོར་མས
297a6 མཆོད།། བསྐྱེད་པ་མ་ཧཱ་ཡོ་གའི་རྒྱུད།། རྫོགས་པ་ཨ་ནུ་ཡོ་གའི་ལུང་།། དམ་རྫས་བདུད་རྩི་བྷན་དྷའི་སྣོད།། སྒྲོལ་སྦྱོར་མཆོད་པ་འབུལ་བར་བྱེད།། རྫོགས་ཆེན་རྟོགས་པའི་རྣལ་འབྱོར་པ།། སེམས་ཉིད་རང་སྣང
iiif viewer powered by OpenSeadragon
