| e-texts navigator |
| Wylie |
296a1 ཀྱང་མེད།། ཐེག་པར་ཞུགས་པ་ཤིན་ཏུ་ཉུང་།། འཇིག་རྟེན་ཐ་མལ་ངོ་མཚར་ཅན།། གཞན་ལུས་བསད་ནས་རང་ལུས་གསོ།། འདི་བདེ་ཕྱི་མ་མ་ཤེས་པ།། འདི་རྟེན་རྒྱང་འཕན་བལྟ་བར་བཤད།། ཁ
296a2 ཅིག་སྐྱེ་བོ་དམན་པ་ཡིས།། འདི་དང་ཕྱི་མའི་དོན་མ་གོ།། བྱ་བ་གཉིས་དང་བྲལ་གྱུར་པ།། འཇིག་རྟེན་ཕྱལ་བའི་ལྟ་བར་བཤད།། རང་སེམས་སྙིང་གི་དཀྱིལ་གནས་ནས།། བྱེད་པ་པོ་རུ་དེ་འདོད་བརྟག། ལས་འབྲས
296a3 བདེན་པའི་དོན་མེད་ཅིང་།། ཐམས་ཅད་མེད་འདོད་ཆད་པར་བལྟ།། མུ་སྟེགས་རྟག་ཆད་ལྟ་བ་ནི།། ལོག་པའི་ཐེག་པ་ལམ་དུ་ཞུགས།། འདུས་བྱས་ཐམས་ཅད་མི་རྟག་པ།། ཟག་པ་བཅས་རྣམས་སྡུག་བསྔལ
296a4 ཞིང་།། ཆོས་རྣམས་ཀུན་ལ་བདག་མེད་པས།། མྱ་ངན་འདས་པ་ཐམས་ཅད་ཞི།། འདི་ནི་ཆོས་རྟགས་ཕྱག་རྒྱ་བཞི།། འདི་འདོད་འདས་པའི་ཐེག་པར་བཤད།། སེམས་ཉིད་སངས་རྒྱས་རྒྱུད་ཤེས་པས།། རྒྱུ་ལ་སྦྱོར་བ
296a5 རྒྱུ་ཡི་ཆོས།། བསོད་ནམས་ཚོགས་དང་ཡེ་ཤེས་ཚོགས།། རྫོགས་ནས་བསྐལ་པར་ཚོགས་བསགས་པའི།། དུས་ཚིག་ཕྱི་མར་འབྲས་བུ་ཐོབ།། མཚན་ཉིད་རྒྱུ་ཡི་ཐེག་པར་བཤད།། རང་སེམས་སྐུ་གསུམ་འབྲས་བུར
296a6 བལྟ།། བྱ་བ་སྤྱོད་པ་རྣལ་འབྱོར་རྒྱུད།། གཟུགས་སྐུ་ལྷ་ཡི་འབྲས་བུར་བསྒོམ།། རྣལ་འབྱོར་ཆེན་པོ་ལོངས་སྐུ་སྒྲུབ།། རྗེས་སུ་རྣལ་འབྱོར་སྦྲུལ་སྐུའི་ལམ།། རྫོགས་ཆེན་ཆོས་སྐུ་ཆེན་པོར་བལྟ།། འབྲས་བུ་ལམ་དུ་བྱེད
iiif viewer powered by OpenSeadragon
