| e-texts navigator |
| Wylie |
295b1 ཆོས།། མ་ལུས་རེག་པ་བྱང་ཆུབ་སེམས།། དབྱེར་མེད་ཐིག་ལེ་ཆེན་པོར་བཞུགས།། ཞེས་གསུངས་པས་སྣང་བའི་ཆོས་འཇིག་པའི་ཏིང་ངེ་འཛིན་ཏོ།། དེ་ནས་དེ་བཞིན་གཤེགས་པས་འདི་སྐད་བརྗོད་དོ།། སྣང་བ་དབ
295b2 ང་པོ་ཡུལ་རྣམས་ལ།། གཟུགས་སྒྲ་དྲི་རོ་རེག་བྱར་སྣང་།། མཆོད་པ་འདོད་ཡོན་རྣམ་ལྔས་བསོགས།། དབང་པོ་རབ་འབྲིང་ཐ་མས་བརྟག། ཐོབ་པ་དོན་རིག་ཞེན་པ་ལོག། སྒོ་ལྔ་ཡིད་ཀྱི་ངང་དུ་ཐིམ།། ཐ་མལ་ཡུལ
295b3 གྱི་སྣང་བ་དང་།། ཡུལ་ཅན་རྣལ་འབྱོར་སྣང་བ་ལ།། ཡུལ་བྲལ་རྒྱལ་བའི་སྣང་བར་གྲུབ།། ལེགས་པའི་ཡོན་ཏན་འདོད་ཆགས་དང་།། ཉེས་པའི་སྐྱོན་ལ་ཞེ་སྡང་སྐྱེས།། གཉི་ག་མ་ཡིན་གཏི་མུག་པའི།། དུག་གསུམ
295b4 རྩ་བ་མཆེད་པར་བྱེད།། སྣང་བ་སྐུ་ཡི་དཀྱིལ་འཁོར་ཉིད།། གྲགས་པའི་སྒྲ་སྐད་བདེ་གཤེགས་གསུངས།། དྲན་རྟོག་ཐུགས་ཉིད་བདེ་བ་ཆེ།། གཅེར་མཐོང་གཅེར་གྲོལ་མངོན་སངས་རྒྱས།། འཁོར་བར་སྣང་བ་ཞེན
295b5 པའི་ཆོས།། མཆོད་པར་གྱུར་པ་ཞེན་ཡུལ་བརྟག། ཐོབ་པར་འབྲས་བུའི་ནང་དུ་བསྐུལ།། ཞེས་གསུངས་སོ།། གླང་པོ་རབ་འབོག་གི་རྒྱུད་ལས། འཁོར་འདས་སྣང་བའི་དཀྱིལ་འཁོར་གྱི་སྤྱོད་ཡུལ་བསྟན་པའི་ལེའུ་སྟེ
295b6 དྲུག་པའོ།། །། དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས་རང་རང་གི་ཐེག་པ་གསང་བར་གསུངས་སོ།། འཁོར་དང་མྱ་ངན་འདས་པ་ལ།། ལྟ་བའི་དོན་ལ་ཀུན་ཀྱང་གནས།། ལྟ་བས་མ་ཁྱབ་གཅིག
iiif viewer powered by OpenSeadragon
