| e-texts navigator |
| Wylie |
294a1 དཔེ་བྱད་ཡང་དག་རྫོགས།། ལོངས་སྤྱོད་རྫོགས་སྐུ་སྤྲུལ་པའི་སྐུ།། མཚན་དང་དཔེ་བྱད་མི་དམིགས་སྤངས།། ཆོས་སྐུ་སྒྲ་བརྗོད་ཡུལ་ལས་འདས།། དྲི་མ་མེད་པའི་ཆོས་སྐུ་ལ།། གཞན་སྣང་རྟོག་པ་ཀུན
294a2 བྲལ་བས།། གཟིགས་པར་བྱ་བའི་ཡུལ་དང་བྲལ།། རང་སྣང་དགོངས་པ་རང་གསལ་མཁྱེན།། ཉན་ཐོས་རང་རྒྱལ་བྱང་ཆུབ་སེམས།། ས་ཐོབ་རྣམས་ཀྱིས་ཞལ་གཟིགས་ནས།། གསང་བ་ཆོས་ཀྱི་བགྲོ་བ
294a3 ཉན།། ལོངས་སྐུ་ཐུགས་རྗེས་ས་བཅུ་གཟིགས།། ལས་དག་འགྲོ་བ་དྲུག་རྣམས་ལ།། མཐུན་པའི་ཐུགས་རྗེ་རང་སྣང་ལ།། ལྷ་རྣམས་ལ་ནི་སྲིད་ཐུབ་འཛིན།། ལྷ་མིན་རྣམ་པར་སྣང་བྱེད་དང་།། མི་ལ་ཤཱཀྱ་སེང་གེ
294a4 ཉིད།། བྱོལ་སོང་སེང་གེ་རབ་བརྟན་སྐུ།། ཡི་དྭགས་ཁ་འབར་རྒྱལ་མོའི་བུ།། དམྱལ་བ་རྣམས་ལ་ཆོས་རྒྱལ་སྲས།། ཐུགས་རྗེའི་མཛད་པ་བཅས་པར་སྣང་།། ཞེས་གསུངས་སོ།། གླང་པོ་རབ་འབོག་གི་རྒྱུད་ལས། མྱ
294a5 ངན་འདས་པ་སྐུ་གསུམ་བསྟན་པ་སྟེ་ལེའུ་ལྔ་པའོ།། །། དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོ་འཁོར་འདས་ཐམས་ཅད་རང་སྣང་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་གསུངས་སོ།། རང
294a6 བཞིན་སྣང་བ་བཅོས་བསླད་བྲལ།། འཁོར་འདས་དབྱེར་མེད་ཆེན་པོར་གནས།། འཁྲུལ་པའི་སྣང་བ་སྣོད་དང་བཅུད།། གཟུང་དང་འཛིན་པ་གཉིས་སུ་སྣང་།། གདུལ་བྱའི་སྣང་བ་གང་སྣང་བ།། བདེ་གཤེགས་སེམས
iiif viewer powered by OpenSeadragon
