| e-texts navigator |
| Wylie |
293b1 གྱུར་པ་ཡི།། སྐུ་ཉིད་གཉིས་སུ་མེད་གྱུར་པ།། ཤེས་རྒྱུད་མ་སྦྱངས་ལོངས་སྐུར་བཞུགས།། འཁོར་འདས་དངོས་པོ་རྣམ་གཉིས་ལ།། སྤྱོད་པ་རང་གྲོལ་སྒྱུ་མའི་སྐུ།། བདེ་བ་ཆེན་པོ་ཉམས་སུ་བསྟར།། གཟུགས་སྐུ་ཕྱག
293b2 རྒྱ་ཆེན་པོ་ཡིན།། འཇིག་རྟེན་ཁམས་ནི་འདི་ཉིད་ན།། སྦྲུལ་སྐུ་ཐུབ་པའི་དབང་པོར་སྣང་།། དེ་བཞིན་འགྲོ་དྲུག་ཐུབ་པ་དྲུག། འཇིག་རྟེན་ཁམས་ནི་གཞན་དག་ན།། བཞུགས་པའི་སྦྲུལ་སྐུ་བསམ་མི་ཁྱབ།། འགྲོ་བ་ཇི
293b3 ལྟར་འདུལ་ཞིང་སྣང་།། ཆོས་ཀྱི་དབྱིངས་ཀྱི་ཡེ་ཤེས་ཉིད།། དང་པོ་ཆོས་རྣམས་སྟོང་པར་རྟོགས།། མེ་ལོང་ལྟ་བུའི་ཡེ་ཤེས་ཉིད།། ཆོས་རྣམས་དག་ཅིང་གསལ་བར་མཁྱེན།། ཡེ་ཤེས་གཉིས་ཀྱིས་གང་བསྡུས
293b4 པ།། ཆོས་སྐུ་དྲི་མ་མེད་པར་བཞུགས།། མཉམ་པ་ཉིད་ཀྱི་ཡེ་ཤེས་ཀྱིས།། འཁོར་འདས་སོ་སོར་ཐ་དད་མེད།། སོ་སོར་ཀུན་ཏུ་རྟོགས་པ་ཡིས།། རང་རང་སྤྱི་ཡིས་མཚན་ཉིད་མཁྱེན།། ཡེ་ཤེས་དེ་གཉིས་གང་བསྡུས
293b5 པ།། སྒྱུ་མའི་ཡེ་ཤེས་ཆུ་ཟླ་བཞིན།། ཞལ་ཕྱག་འཁོར་དང་བཅས་རྫོགས་པ།། ལོངས་སྤྱོད་རྫོགས་པའི་སྐུ་རུ་བཞུགས།། འཁོར་འདས་ཕྲིན་ལས་མ་ལུས་པ།། ལུས་ངག་ཡིད་ཀྱི་བྱ་བ་གྲུབ།། ཕུན་སུམ་ཚོགས་གྱུར་ཡེ
293b6 ཤེས་འདི།། སྤྲུལ་པའི་སྐུ་རུ་བཞུགས་པ་ཡིན།། བསོད་ནམས་རྒྱུ་ཡི་ཚོགས་བསགས་པས།། གཟུགས་སྐུ་གཉིས་ཀྱི་བདག་ཉིད་ཆེ།། འབྲས་བུ་ཡེ་ཤེས་ཚོགས་རྫོགས་པས།། ཆོས་ཀྱི་སྐུ་རུ་རབ་ཏུ་འགྲུབ།། མཚན་དང
iiif viewer powered by OpenSeadragon
