| e-texts navigator |
| Wylie |
292a1 རྩོད་པ་དང་།། མི་རྣམས་ལ་ནི་འགྱུར་བ་ཡོད་པ་དང་།། བྱོལ་སོང་བཟའ་བཏུང་བཀོལ་དང་སྤྱད་པ་དང་།། ཡི་དྭགས་ཕྱི་ནང་སྒོས་ཁུར་སྒྲིབ་པ་ཅན།། དམྱལ་བ་ཚ་དང་གྲང་བར་སྣང་བས་སྡུག། ལྷ་མིག
292a2 དག་པས་མཐོང་བའི་ཡོན་ཏན་དང་། མཚོན་ཆས་བསྣུན་ཡང་འཆི་བར་དཀའ་བ་དང་།། དམ་ཚིག་སྡོམ་པ་བསྲུང་ན་སངས་རྒྱས་འགྲུབ།། བྱོལ་སོང་རྣམས་ནི་ལྟོ་གོས་བཙལ་བར་སླ།། ཡི་དྭགས་རྣམས་ལ་བསྔོས་པས
292a3 ཚིམ་པར་འགྱུར།། དམྱལ་བར་རང་གི་ཚེ་ལས་སྔ་ཕྱི་དྲན།། འཁོར་བའི་སྡུག་བསྔལ་དག་ལས་ཚང་འགྱུར་བས།། བྱམས་པས་གཞན་ལ་ཕན་ནི་འདོགས་པར་བྱེད།། སྙིང་རྗེ་བརྩེ་བའི་སེམས་དང་ལྡན་པ
292a4 དང་།། དགའ་བས་སྡུག་བསྔལ་བྲལ་བར་འདོད་པ་དང་།། བཏང་སྙོམས་དགྲ་ཟིན་མེད་པར་ཁྱབ་གྱུར་ཅིང་།། དགའ་བ་དང་ནི་བདེ་བ་ལྡན་གྱུར་པས།། རྟོག་པ་དང་ནི་དཔྱོད་པས་རྣམ་པར་བྱེད།། ཚངས་གནས་རིམ
292a5 པར་གནས་པའི་ལྷ་རྣམས་ཡིན།། སྐྱེ་མཆེད་བཞི་ལ་མི་གཡོ་གནས་གྱུར་པ།། སྲིད་པའི་རྩེ་མོ་ལྟོས་པའི་སངས་རྒྱས་ཡིན།། ཆོས་ཀྱི་དབྱིངས་ཀྱིས་ཀུན་ལ་ཁྱབ་པའི་ཕྱིར།། གང་ཟག་ཐེག་པ་གསུམ་དུ་འཇུག་གྱུར
292a6 པ།། ངེས་མེད་གང་དང་འཕྲད་པའི་ཆོས་ལ་སྤྱོད།། འདི་ནི་རིགས་ཀྱི་ངེས་པ་མེད་པ་ཡིན།། ཆོས་ཀྱི་དབྱིངས་ནི་ཀུན་ལ་ཁྱབ་པ་དང་།། བདེ་གཤེགས་སྙིང་པོ་རང་སེམས་ལ་ཡོད་པས།། དེ་ཉིད་རྟོགས་པའི་སྐལ་བ་མི
iiif viewer powered by OpenSeadragon
