| e-texts navigator |
| Wylie |
291a1 གཅིག་ཏུ་མཚུངས།། འཁོར་བར་སྣང་བ་མྱ་ངན་འདས།། སྡུག་བསྔལ་བདེ་བ་ཆེན་པོ་ཤར།། མུན་པ་ཉིད་ནི་སྣང་བར་གསལ།། ཀུན་ཀྱང་བྱང་ཆུབ་ཆེན་པོར་གནས།། བླང་ཞིང་དོར་བ་ཅི་ཡང
291a2 མེད།། ཐབས་དང་ཤེས་རབ་ཟུང་དུ་འབྲེལ།། དོན་དམ་ཀུན་རྫོབ་དབྱེར་མེད་ཀུན།། སྣང་བ་སྟོང་པ་རོ་མཉམ་པས།། རྣམ་པ་ཀུན་ལྡན་སྟོང་ཆེན་པོ།། མཐའ་དབུས་མེད་པར་རང་ཤར་བ།། ཆོས་ཉིད་གཤིས་ཀྱི་འདུག
291a3 ཚུལ་ཉིད།། སྐྱེས་བུས་མངོན་དུ་གང་བྱས་པ།། ཕྱག་རྒྱ་ཆེན་པོ་མཆོག་ཉིད་ཀྱི།། དངོས་གྲུབ་རྒྱ་ཆེན་ཐོབ་པ་ཡིན།། ཞེས་གསུངས་སོ།། གླང་པོ་རབ་འབོག་གི་རྒྱུད་ལས། གནས་ལུགས་ཀུན་གྱི་གཞིར་བསྟན་པའི་ལེའུ
291a4 སྟེ་གསུམ་པའོ།། །། དེ་ནས་བཅོམ་ལྡན་འདས་ཀྱིས་མ་རིག་པའི་གྲོང་ཁྱེར་ཆེན་པོ་ཤེས་པར་བྱེད་པ་འདི་གསུངས་སོ།། བདེ་གཤེགས་སྙིང་པོ་བྱང་ཆུབ་སེམས།། ཐམས་ཅད་བསྐྱེད་པའི་ས་བོན་ཉིད།། འདི
291a5 ཡིས་མ་བསྐྱེད་ཆོས་མེད་པས།། ཆོས་སུ་སྣང་བ་འཁྲུལ་པའི་ཡིད།། སེམས་ཉིད་ཡེ་སངས་རྒྱས་གྱུར་ཀྱང་།། དེ་མ་ཤེས་པས་མ་རིག་པ།། སྔོན་གྱི་བག་ཆགས་མཚུངས་གྱུར་པས།། ལྷན་ཅིག་སྐྱེས་པའི་མ་རིག
291a6 པ།། རང་ལ་རང་བརྟགས་མ་ཤེས་པས།། དམུས་ལོང་ནམ་མཁའ་བལྟ་བར་འདོད།། ཀུན་ཏུ་བརྟགས་ཤིང་མི་ཤེས་ལ།། ཀུན་བརྟགས་མ་རིག་རྒྱུ་ཉིད་ཡིན།། དགེ་སྡིག་ལུང་མ་བསྟན་པའི་ལས།། རབ་འབྲིང་ཐ
iiif viewer powered by OpenSeadragon
