| e-texts navigator |
| Wylie |
290b1 པར་འགྱུར།། ཞེས་གསུངས་སོ།། གླང་པོ་རབ་འབོག་གི་རྒྱུད་ལས། གླེང་བསླང་བའི་ལེའུ་སྟེ་གཉིས་པའོ།། །། དེ་ནས་རྡོ་རྗེ་འཆང་གིས་འཁོར་འདས་ཀྱི་ཆོས་ཐམས་ཅད་ཀྱི་འབྱུང་གནས་འདི་གསུངས
290b2 སོ།། རང་བཞིན་ངང་གིས་སྣང་བ་ནི།། གདོད་ནས་མ་སྐྱེས་སྙིང་པོ་ཨ།། རིས་མེད་ཀུན་གྱི་དངོས་གཞི་པ།། བཅིང་གྲོལ་མེད་པར་ལྷུན་གྱིས་གྲུབ།། སྐྱེས་བུའི་བྱད་ཀྱི་དཀྱིལ་འཁོར་ཉིད།། མེ་ལོང་ནང་དུ་གང་ཤར
290b3 བ།། ཉིད་ལས་མ་གཏོགས་གཞན་མེད་པས།། དེ་ཡིས་རྐྱེན་རྣམས་བྲལ་བར་འགྱུར།། ཆོས་དབྱིངས་དཀྱིལ་འཁོར་མུ་མཐའ་བྲལ།། ཡེ་ཤེས་རྒྱལ་པོས་དབང་བསྒྱུར་ན།། སྐུ་དང་ཡེ་ཤེས་དཀྱིལ་འཁོར
290b4 གསལ།། རང་ཞལ་རང་གིས་མཐོང་གྱུར་པ།། ཆོས་སྐུ་ཕྱག་རྒྱ་ཆེན་པོར་གནས།། བླ་མེད་ཀུན་ཏུ་བཟང་པོར་གྲོལ།། རྟོགས་པ་མངོན་དུ་འགྱུར་ཞེས་བྱ།། རང་བཞིན་དག་པའི་སྣང་བ་ཤར།། སེམས་ཉིད་སངས་རྒྱས
290b5 ཡེ་ནས་ཀྱང་།། ངེས་པའི་ཤེས་པ་མ་སྐྱེས་པས།། མ་རིག་མུན་པའི་སྤྱོད་ཡུལ་ཅན།། ལོང་བའི་གྲོང་ཁྱེར་ཆེན་པོར་འགྲོ།། དབུལ་མོའི་གཏེར་ལྟར་གྱུར་པའམ།། གྱད་ཀྱི་ནོར་བུ་ལྟར་གནས་པས།། རང་གསང་ཐབས
290b6 ཀྱིས་ཆོད་གྱུར་པས།། རང་ལ་ཡོད་ཀྱང་དེ་མ་ཤེས།། མ་དག་རང་བཞིན་སྣང་བ་ཤར།། དོན་མཆོག་ཉིད་ལས་ཉམས་པ་མེད།། མ་རིག་པ་ཉིད་རིག་པར་གཅིག། མ་རྟོགས་རྟོགས་པ་ཐ་དད་མེད།། ཤེས་དང་མ་ཤེས
iiif viewer powered by OpenSeadragon
