| e-texts navigator |
| Wylie |
290a1 པ་ཐམས་ཅད་ཀྱིས་འདི་སྐད་ཅེས་གསོལ་ཏོ།། སྣོད་དུ་སྣང་བ་དཀྱིལ་འཁོར་ཡུམ་གྱི་དབྱིངས།། བཅུད་དུ་སྣང་བ་རྒྱལ་བ་ལྷ་ཡི་སྐུ།། སྣང་སྲིད་མ་བཀོད་ཡེ་ནས་རྫོགས་སངས་རྒྱས།། རྨོངས་པའི་མུན་པ
290a2 གསལ་ཕྱིར་བཤད་དུ་གསོལ།། ཞེས་ཞུས་སོ།། དེ་ནས་སངས་རྒྱས་རྡོ་རྗེ་འཆང་ཆེན་པོ་འཁོར་འདས་དབྱེར་མེད་པའི་ཏིང་ངེ་འཛིན་ལ་བཞུགས་ནས། འགྲོ་བའི་ཆེད་དུ་ཆེད་དུ་བརྗོད་པ་འདི་གསུངས་སོ།། ཀུན་ནས
290a3 ཉོན་མོངས་འཁོར་བའི་ཆོས་རྣམས་ཀུན།། རྣམ་བྱང་མྱ་ངན་འདས་པར་དབྱེར་མེད་པས།། གཉིས་མེད་རོ་གཅིག་ཕྱག་རྒྱ་ཆེན་པོར་གནས།། ཇི་ལྟར་གླང་ཆེན་རྩལ་གྱིས་རབ་གཅོད་པ།། ཆུ་ཀླུང་ཟ་ཀློང་ཆེ་ལ་བདེ་བ
290a4 ལྟར།། འཁོར་བའི་ཆོས་ལས་གཞན་ལ་མི་འཆོལ་བའི།། སངས་རྒྱས་ཐུགས་ཀྱི་དཀྱིལ་འཁོར་ཞལ་ཕྱེས་པའི།། གླང་པོ་རབ་འབོག་རྒྱུད་ཆེན་གུས་པས་ཉོན།། སྡུག་བསྔལ་འཁོར་བའི་རྒྱ་མཚོས་བདེ་ཆེན་ཀློང་།། ཡེ
290a5 ཤེས་ཆུ་བོ་དཔག་མེད་རྒྱུན་མི་འཆད།། མ་རིག་མུན་པར་སྒྲོན་མར་རང་འོད་འབར།། ཤེས་བྱ་མཐའ་དབུས་མེད་པར་ཡོངས་རྒྱས་པ།། ཉི་མའི་དཀྱིལ་འཁོར་འོད་ཟེར་འབར་འདྲ་བས།། མུན་པའི་ཚོགས་བཅོམ
290a6 ཟངས་ལ་གསེར་འགྱུར་རྩི།། དུག་འགྱུར་རྩི་མཆོག་བདུད་རྩི་སྨན་མཆོག་འགྱུར།། འཁོར་བ་ཉིད་ནི་སངས་རྒྱས་དཀྱིལ་འཁོར་ཡིན།། རབ་ཏུ་གུས་པས་རྒྱུད་འདི་དང་དུ་ལོངས།། ཐུགས་རྗེས་འགྲོ་བ་རྣམས་ལ་ཁྱབ
iiif viewer powered by OpenSeadragon
