| e-texts navigator |
| Wylie |
289b1 ཉིད་ཀྱི་དཀྱིལ་འཁོར་ལྷུན་གྱིས་གྲུབ།། བླ་མེད་གནས་མཆོག་རིགས་པའི་འོག་མིན་ན།། རྡོ་རྗེ་དབྱིངས་ཀྱི་དཀྱིལ་འཁོར་འོད་གསལ་བ།། ཆོས་སྐུ་སྨྲ་བསམ་བརྗོད་དང་བྲལ་བ་ལ།། ཡེ་ཤེས་སྒྱུ་མའི་གཟུགས་སུ་རང
289b2 སྣང་བ།། རང་བཞིན་འབྲས་བུ་མཐར་ཕྱིན་དཀྱིལ་འཁོར་ཡིན།། འཁོར་བར་སྣང་བ་ཉིད་ན་སྣང་བ་མེད།། མྱ་ངན་ལས་འདས་རྒྱལ་བའི་སྐུ་གསུང་ཐུགས།། གཞན་ན་མེད་དེ་འཁོར་བ་ཉིད་ལ་གནས།། རང་བཞིན
289b3 དཀྱིལ་འཁོར་རང་བཞིན་ཉིད་དུ་སྣང་།། དེ་ཉིད་འབྲས་བུ་མཐར་ཕྱིན་ཀུན་དང་མཉམ།། རྣམ་གསུམ་དབྱེར་མེད་གཅིག་གི་ངང་དུ་གནས།། གནས་དང་མི་གནས་ཐ་དད་མཐའ་ལས་འདས།། མི་དམིགས་ཆོས་ཀྱི
289b4 དབྱིངས་ལ་འཕེལ་འགྲིབ་མེད།། དྲི་མེད་ཆོས་ཀྱི་སྐུ་ལ་སྐྱེ་འགག་མེད།། དབྱིངས་དང་ཡེ་ཤེས་དབྱེར་མེད་གཅིག་གི་དང་།། གཟུགས་ཅན་མ་ཡིན་ཀུན་ལ་ཁྱབ་པ་དང་།། འགྲོ་འོད་མེད་པར་ཀུན་ལ་འདུས་རྣམས
289b5 སུ།། ཐམས་ཅད་པ་ཞེས་སྤྱོད་ཡུལ་དཀྱིལ་འཁོར་ཆེ།། མཚན་མ་མེད་པའི་ཕྱག་རྒྱ་ཆེན་པོར་གནས།། སངས་རྒྱས་ཉིད་ཀྱིས་གཟིགས་པའི་སྤྱོད་ཡུལ་ལས།། གཙོ་འཁོར་དགོངས་པ་ཆོས་ཀྱི་སྐུ་ལ་བཞུགས།། ཞེས
289b6 གསུངས་སོ།། གླང་པོ་རབ་འབོག་གི་རྒྱུད་ལས། གསང་བ་བསྟན་པ་འབྱུང་བའི་རྒྱུད་གླེང་གཞི་བསྟན་པའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་རྡོ་རྗེའི་འཆང་ཆེན་པོ་ལ། དེ་བཞིན་གཤེགས
iiif viewer powered by OpenSeadragon
