| e-texts navigator |
| Wylie |
289a1 པར་ཐོས་པ་ཆེན་པོའི་མཆོག་ཐོས་པར་འགྱུར་བས། གསང་བ་བས་ཀྱང་ཆེས་གསང་བ། ཡང་གསང་རྨད་དུ་བྱུང་བ། བཀའ་གསང་ཐུགས་ཀྱི་དཀྱིལ་འཁོར། རང་དོན་དུ་རྟོགས་པར་དཀའ་བས་ཟབ་པ།
289a2 གཞན་དོན་ཀུན་དང་མཐུན་པར་སྣང་བས་རྒྱ་ཆེ་བ། སྐུ་ཕྱག་རྒྱ་ཆེན་པོ་དང་། གསུང་ཆོས་ཀྱི་ཕྱག་རྒྱ་དང་། ཐུགས་དམ་ཚིག་གི་ཕྱག་རྒྱ་དང་། ཡོན་ཏན་མཛད་པ་ལས་ཀྱི་ཕྱག་རྒྱ་དང་བཅས་པས་གསང་བའི་དཀྱིལ
289a3 འཁོར་ཆེན་པོ་ལ་རྒྱས་བཏབ་ནས་གནས་པ། གཟུང་བར་བྱ་བའི་ཡུལ་གྱི་ཆོས་ཐམས་ཅད་ཡི་གེ་མཱཾ་གྱི་དབྱིངས་སུ་ཐིམ་པས་དྲིལ་བུ་འབར་བར་འཛིན་པར་བྱེད་པ། སེམས་ཀྱི་ཆོས་ཐམས་ཅད་ཡི་གེ་ཧཱུཾ་ལ་ཡོངས་སུ
289a4 རྫོགས་པས་གསང་བའི་རྡོ་རྗེ་ཆེན་པོར་བཞུགས་པ། གཟུང་འཛིན་དབྱེར་མི་ཕྱེད་པས་རྡོ་རྗེ་དྲིལ་བུ་འདུ་འབྲལ་མེད་པར་གནས་སོ།། དེ་ནས་ཆོས་ཀྱི་རང་སྒྲ་ཆེན་པོ་འདི་མ་གསུངས་པར་གྲག་གོ། གླིང་བཞི་འཁོར་ལོ།
289a5 རྩིབས་དང་རབ་ལྡན་པ།། གླིང་ཕྲན་གྲུ་ཆད་པར་ཁྱམས་སྒོ་ཁྱུད་བཅས།། ལྕགས་རི་མུ་ཁྱུད་རྡོ་རྗེ་མེ་དཔུང་འབར།། རང་བཞིན་དཀྱིལ་འཁོར་ཡེ་ནས་ལྷུན་གྱིས་གྲུབ།། སྲིད་གསུམ་སེམས་ཅན་རང་ལུས་དཀྱིལ
289a6 འཁོར་ལ།། རྟོག་ཚོགས་རྒྱལ་བའི་སྐུ་རྣམས་སྐུར་གསལ་བ།། རྒྱལ་འགྲོས་མ་མཛད་མ་བཅོས་རང་སྣང་བ།། མི་ཟད་རྒྱན་གྱིས་འཁོར་ལོ་བསམ་མི་ཁྱབ།། རྣལ་འབྱོར་དབང་ཕྱུག་ཆེན་པོའི་སྤྱོད་ཡུལ་དུ།། རང་བཞིན
iiif viewer powered by OpenSeadragon
