| e-texts navigator |
| Wylie |
286b1 སངས་རྒྱས་དེ་ལས་བྱུང་།། དེ་བས་མ་འོངས་རྣལ་འབྱོར་ལ།། དོན་དུ་མདོ་ནི་མངོན་བསྡུས་ལ།། མི་ནུབ་པ་རུ་བྱ་བའི་ཕྱིར།། གསུང་མཆོག་ཆོས་ཀྱི་ཡི་གེར་ནི།། སྣང་ཞིང་མི་ནུབ་པ་རུ་གྱིས།། མ་ནོར་འཁོར་ལོའི
286b2 ལམ་འདི་ནི།། ཕྱི་མའི་རྣལ་འབྱོར་རྣམས་ཀྱིས་སྟོན།། དེ་དག་མ་ནོར་ཁོང་དུ་ཆུད།། ཡེ་ཤེས་མཆོག་དེ་ཐོབ་པར་གྱིས།། མ་ནོར་ལམ་ལ་བགྲོད་པར་གྱིས།། སེམས་ཅན་སངས་རྒྱས་དོན་རྣམས་ཀྱིས།། བདེན་གཉིས
286b3 སྙིང་པོ་འཆང་བར་གྱིས།། གསང་བ་ཁོང་དུ་ཆུད་པར་གྱིས།། ལམ་གྱི་བྱེ་བྲག་ཤེས་པར་གྱིས།། སྤྱོད་པའི་ཁྱད་པར་ཤེས་པར་གྱིས།། འོན་ཀྱང་དད་ཅན་རྣལ་འབྱོར་བ།། དེས་ནི་རྡོ་རྗེ་ཐེག་པ་ཡི།། གཏིང་ནི་འཛུགས
286b4 ཤིང་མི་ནུབ་བྱེད།། རྣལ་འབྱོར་དབང་ཕྱུག་ཆེན་པོ་ཡི།། རྒྱུད་ནི་འཛིན་པར་དེ་འགྱུར་རོ།། མི་གནས་ཡེ་ཤེས་གནས་གྱུར་ཏེ།། གསང་བའི་དོན་རྣམས་མི་འགྱུར་རོ།། གསང་བའི་དོན་རྣམས་མི་ནུབ་འགྱུར།། སྦས་པ
286b5 གསང་བའི་ཐབས་མཆོག་རྣམས།། བྱེ་བྲག་མེད་པར་དེ་འགྱུར་རོ།། ཁྲོ་བོ་ཀརྨ་ཧེ་རུ་ཀ། ང་ཡིས་བཤད་པའི་མདོ་འདི་ནི།། རྣལ་འབྱོར་དམ་པ་རྣམས་ཀྱིས་ནི།། ཉེ་ལམ་བདེ་རྫོགས་ཡིན་པས་ན།། ཁྱོད་ཀྱིས་དེ་ལྟར
286b6 ཤེས་པར་གྱིས།། གསང་བའི་ཉིང་ཁུ་ཡིན་པར་ནི།། ཁྱོད་ཀྱིས་དེ་ལྟར་ཤེས་པར་གྱིས།། ཞེས་གསུངས་སོ།། དེ་ནས་ཁྲོ་བོ་ཀརྨ་ཧེ་རུ་ཀ་རབ་ཏུ་དག་པའི་སྐྲོད་པས། རང་གི་གསང་བའི་རྡོ་རྗེ་རང་གི་གསང་བའི་གནས
iiif viewer powered by OpenSeadragon
