| e-texts navigator |
| Wylie |
286a1 ལས་འདས་པའི་ཆོས་ཉིད་ནི།། ཚིག་གིས་དེ་ལ་མཚོན་དུ་མེད།། ཐ་སྙད་གདག་སུ་ག་ལ་ཡོད།། ནམ་མཁའི་དཔེས་ཀྱང་མཚོན་དུ་མེད།། འདི་ཞེས་བྱ་བར་བསྟན་དུ་མེད།། ཁ་དོག་དབྱིབས་སུ་གྲུབ་པ
286a2 མེད།། ཡེ་ནས་མ་བཅོས་རྣམ་པར་དག། རྣམ་པར་དག་ཅེས་བརྗོད་པ་ཀུན།། བསྟན་པ་རྣམས་ཀྱང་སྒྲིབ་པ་ཡིན།། མཚན་མ་མེད་པའི་བློ་ལྡན་དེ།། ཐ་སྙད་ཚིག་ལ་དད་མི་འགྱུར།། བདེན་གཉིས་བློ་དང་ལྡན་པ
286a3 དེས།། གཉིས་མེད་བློ་དང་ལྡན་པར་ཟད།། ཅེས་གསུངས་པས། འཁོར་རྣམས་རབ་ཏུ་དང་བ་སྐྱེས་ཏེ། འདུས་པའི་འཁོར་ཚོགས་རྣམས་མ་བཅོས་པའི་དེ་ཁོ་ན་ཉིད་ལ་གནས་ཤིང་། སེམས་ཅད་མི་སྨྲ་བར་འཁོད།
286a4 དོ།། དེ་ནས་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡས། ཁྲོ་བོ་ཀརྨ་ཧེ་རུ་ཀའི་ལུས་ངག་ཡིད་གསུམ་བྱིན་གྱིས་བརླབས་ཤིང་། དོན་བསྡུ་བར་དབང་བསྐུར་ནས། འདི་སྐད་ཅེས་བཀའ་སྩལ
286a5 ཏོ།། ཉོན་ཅིག་ཀརྨ་ཧེ་རུ་ཀ། ང་ཉིད་མངོན་པར་སངས་རྒྱས་ནས།། མདོ་ཡི་དོན་ཉིད་བཤད་ཀྱི་བར།། ཚིག་ཙམ་དུ་ཡང་ངས་མ་བཤད།། ཐ་སྙད་ཚིག་ཀྱང་ངས་མ་བརྗོད།། བཤད་ཅིང་བརྗོད་པ་གང་ཡང་མེད།། ཕྱི
286a6 ནང་ཆོས་ཀུན་ཐམས་ཅད་ཀུན།། བཤད་ཅིང་བརྗོད་པ་རྣམས་དང་བྲལ།། ཕྱོགས་བཅུ་དུས་བཞིའི་སངས་རྒྱས་ནི།། བཤད་ཅིང་བརྗོད་དང་བྲལ་བའི་དོན།། ཐུགས་སུ་ཆུད་ནས་མངོན་སངས་རྒྱས།། རྫོགས་པའི
iiif viewer powered by OpenSeadragon
