| e-texts navigator |
| Wylie |
285b1 འདས།། ཡུལ་ལས་འདས་ཏེ་བརྗོད་དང་བྲལ།། དེ་ཕྱིར་སེམས་ཉིད་ཆོས་རྩ་བ།། དེ་ཉིད་སྲིད་དང་གྲོལ་ལས་སྣང་།། ཧོ།། ཨེ་མ་ཧོ་སེམས་ཉིད་སྟོང་པ་སྟེ།། མ་བཅོས་སྟོང་པ་ཆེན་པོའི་དབྱིངས།། བརྗོད་དང་བྲལ
285b2 བའི་ངོ་བོ་ལ།། གནས་དང་རྒྱན་ཞེས་གདགས་སུ་མེད།། སྟོན་པ་འཁོར་ཞེས་ག་ལ་ཡོད།། ཏིང་འཛིན་ཡིག་འབྲུ་སོ་སོར་མེད།། ཕྱག་མཚན་སྐུ་མདོག་རྟག་པ་མེད།། སྟན་དང་བཞུགས་ཐབས་བགྲང་དུ་མེད།། སྟོང་པ
285b3 ཉིད་མེད་སྙིང་རྗེ་མེད།། ཚོགས་བསག་བྱང་ཆུབ་སེམས་བསྐྱེད་དང་།། གཟུག་བརྙན་དཀྱིལ་འཁོར་བསྐྱེད་པ་མེད།། རང་བཞིན་དཀྱིལ་འཁོར་སྤྱན་དྲང་མེད།། གཉིས་མེད་སྔགས་དང་ཕྱག་རྒྱ་མེད།། ཐུགས་རྗེས
285b4 ཁམས་གསུམ་འདུལ་བ་མེད།། དྲག་པོས་མ་ལུས་འདུལ་མེད་ཅིང་།། དྲག་པོའི་དཀྱིལ་འཁོར་འཇོམས་པའང་མེད།། གསོད་པའི་ངན་སྔགས་སྙིང་པོ་མེད།། ཁྲོས་པའི་སྟངས་སྟབས་ག་ལ་ཡོད།། རྒྱུན་གྱི་ཏིང་འཛིན་བྱེ
285b5 བྲག་མེད།། ཕྲིན་ལས་རྣམས་ཀྱི་བྱེ་བྲག་མེད།། དུག་ལ་སོགས་པའི་ཐུན་རྣམས་མེད།། སེམས་ཅན་སྲུང་བ་ག་ལ་ཡོད།། རྡོ་རྗེས་གཏམས་བྱས་མིང་ཡང་མེད།། ཐམས་ཅད་བྱ་བ་རྣམས་དང་བྲལ།། ལུས་ཀྱི་སྡོམ་པ
285b6 ཀུན་ལས་འདས།། ངག་གི་སྡོམ་པ་བརྗོད་ལས་འདས།། ཡིད་ཀྱི་སྡོམ་པ་བསམ་དང་བྲལ།། ཐམས་ཅད་བརྗོད་པ་ཀུན་རྫོབ་ཡིན།། འཁྲུལ་པ་བཟློག་ཕྱིར་ཀུན་རྫོབ་བསྟན།། དོན་དམ་བདེན་པ་རིག་པར་བྱ།། སེམས
iiif viewer powered by OpenSeadragon
