| e-texts navigator |
| Wylie |
285a1 མཉམ་པ་ཉིད་གཉིས་སུ་མེད་པ་ལ་དགོངས་ནས། སྒྲ་བསམ་ལས་འདས་ཏེ་ཅང་མི་གསུང་བར་བཞུགས་སོ།། དེ་ནས་ཁྲོ་བོ་ཀརྨ་ཧེ་རུ་ཀས་རང་གི་སྟན་ལས་ལངས་ཏེ། གཙུག་གིས་འདུད་པས་ཕྱག
285a2 འཚལ་ཏེ་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ལུང་བསྟན་བདག། ཞལ་ནས་གསུངས་པ་མདོ་ཡི་དོན།། བསྡུས་ནས་བདག་ཅག་རྣམས་ལ་ནི།། སྒོམ་པའི་ལུང་འདི་བསྟན་དུ་གསོལ།། ཞེས་གླེང་བ་དང་།།
285a3 བཅོམ་ལྡན་འདས་གསང་བ་མཆོག་གི་བདག་པོ་བཛྲ་ཀཱི་ལ་ཡས་གཉིས་མེད་ཀྱི་ངང་ལས་བཞེངས་ནས།། རྫུ་འཕྲུལ་གྱི་སྤྱན་གྱིས་འཁོར་གྱི་དཀྱིལ་འཁོར་ལ་གཟིགས་པ་མེད་པའི་ཚུལ་གྱིས་གཟིགས་ཏེ། གཟིགས
285a4 པའི་ཞལ་འཛུམ་པ་དང་བཅས་ནས་ཀརྨ་ཧེ་རུ་ཀ་ལ་གཟིགས་ཏེ་འདི་སྐད་ཅེས་བཀའ་སྩལ་ཏོ།། ཉོན་ཅིག་ཀརྨ་ཧེ་རུ་ཀ། རྒྱུད་ཀྱི་རྒྱལ་པོ་ཆོས་ཀྱི་དོན།། འདི་ཉིད་ངས་བསྡུས་བཤད་པར་བྱའོ།། ཆོས་རྣམས་སེམས་ཀྱི
285a5 འཕྲུལ་པ་སྟེ།། སེམས་ལས་མ་གཏོགས་ཆོས་རྣམས་མེད།། འཁྲུལ་པ་བཟློག་ཕྱིར་ཆོས་བསྟན་པ།། དེ་ཡི་སྒྱུ་འཕྲུལ་འཕྲུལ་པར་སྣང་།། འཁྲུལ་པར་སྣང་བའི་ཆོས་རྣམས་ཀུན།། རང་སེམས་སྣང་བ་ཁོ་ནར
285a6 ཟད།། སེམས་ཀྱི་རང་བཞིན་དངོས་མ་གྲུབ།། སྔ་ཕྱིར་བསྲེས་ན་རང་བཞིན་མེད།། གདོད་ནས་མ་སྐྱེས་རྣམ་པར་དག། ཡི་གེ་མེད་ཅིང་སྒྲ་དང་བྲལ།། ཐ་སྙད་རྣམས་དང་བྲལ་བ་སྟེ།། སྟོང་པ་སྟོང་པའི་ཡུལ་ལས
iiif viewer powered by OpenSeadragon
