| e-texts navigator |
| Wylie |
284b1 པ་གསོ་བ་ཡི།། ཆོ་ག་དམ་པ་ཞེས་ནི་བྱ།། ཞེས་གསུངས་སོ།། རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ་ཀཱི་ལ་ཡ་བཅུ་གཉིས་ཀྱི་མདོ་ལས་དམ་ཚིག་གི་རིམ་པར
284b2 ཕྱེ་བའི་ལེའུ་སྟེ་ཉི་ཤུ་རྩ་གསུམ་པའོ།། །། དེ་ནས་ཁྲོ་བོ་ཀརྨ་ཧེ་རུ་ཀ་ལ་སྩོགས་པ་འདུས་པའི་འཁོར་ཚོགས་མ་ལུས་པ་རྣམས་སོ་སོ་རང་རང་གི་བསམ་པ་མཐར་ཕྱིན་ཅིང་མངོན་དུ་གྱུར་ཏེ། ལུས་ངག་ཡིད
284b3 གསུམ་གྱི་སྒོ་ནས་བཅོམ་ལྡན་འདས་བཛྲ་ཀཱི་ལ་ཡ་ལ་བསྐོར་བ་ལན་གསུམ་བྱས་ཏེ་ཕྱག་འཚལ་ནས། གསང་བ་མཆོག་གི་བདག་པོ་ལ་མདུན་གྱིས་བལྟས་ཏེ་ཤིན་ཏུ་རྨད་དུ་བྱུང་བའི་ཚིག་འདི་སྐད་ཅེས་བསྟོད
284b4 དོ།། ཨེ་མ་ཧོ་ངོ་མཚར་རྨད་དུ་ཆེ།། མཉམ་ཉིད་དབྱིངས་མཆོག་དམ་པ་ལ།། ཐུགས་རྗེ་ཆེན་པོས་གསང་བ་ཡིས།། མ་འདྲེས་ཀུན་ལ་ཁྱབ་བདག་དབྱིངས།། སྐུ་དང་གསུང་ཐུགས་ཡོན་ཏན་དང་།། ཕྲིན་ལས་ཕྱག་རྒྱའི
284b5 དཀྱིལ་འཁོར་རྣམས།། བརྗོད་ཀྱིས་མི་ལང་གྲངས་ལས་འདས།། འགྲོ་བ་བསམ་ཡས་སོ་སོའི་དབང་།། དེ་ཡི་རྣམ་རྟོག་དེ་སྙེད་པར།། ཐུགས་རྗེ་འཕྲོས་པས་ངོ་མཚར་ཆེའོ།། ཨེ་མ་ཧོ་ངོ་མཚར་རྨད་དུ་བྱུང་བའི
284b6 ཆོས།། མཚན་ཉིད་ནམ་མཁའ་འདྲ་བ་ལ།། སྒྱུ་མ་ལྟ་བུར་འཕྲུལ་པ་རྣམས།། ཀུན་རྫོབ་ཙམ་དུ་བསྟན་པར་འཚལ།། ཞེས་གླེངས་སོ།། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀཱི་ལ་ཡ་ནི་དུས་བཞི
iiif viewer powered by OpenSeadragon
