| e-texts navigator |
| Wylie |
283b1 གནས།། གསང་འོས་ཏིང་འཛིན་བརྟན་པོར་བཟུང་།། གསང་གཉེར་གང་ཡང་མི་གཡོའོ།། འདི་ལྟ་བུ་ཡི་མན་ངག་རྣམས།། སྣོད་ངན་ཚུལ་འཆོས་སྤེལ་མི་བྱ།། གསང་བ་སྦས་པའི་ཐབས་མཆོག་རྣམས།། བློ་ཡི་གཏིང
283b2 དུ་འཚང་མི་སྨྲ།། འདི་ནི་ཐུགས་ཀྱི་དམ་ཚིག་གོ། དམ་ཚིག་རྣམ་གསུམ་རྡོ་རྗེ་སྟེ།། འདི་དག་ཉམས་པར་གྱུར་ན་ནི།། འབྲས་བུ་མེད་ཅིང་བདུན་རྒྱུད་བརླག། ཉམས་པའི་གྲིབ་མས་གོས་པ་ལ།། དེ་ཡི་གྲིབ་མའི་སྐྱོན
283b3 རྣམས་ནི།། བརྗོད་མེད་བརྗོད་ལས་འདས་པ་ལ།། རྩ་བའི་དམ་ཚིག་ཉམས་པ་དང་།། དམ་ཚིག་གནས་པའི་རྣལ་འབྱོར་གཉིས།། ཐང་གཅིག་ཡུད་ཙམ་སྨྲ་མི་བྱ།། སྨྲས་ན་རྩ་བ་ཉམས་པར་འགྱུར།། འདོད་ཆགས་ཞེ
283b4 སྡང་གཏི་མུག་དང་།། ང་རྒྱལ་ཕྲག་དོག་ལྔ་རྣམས་ནི།། བདེ་གཤེགས་ལྔ་ཡི་རང་བཞིན་ཏེ།། འདི་རྣམས་སྤང་བར་ཡོངས་མི་བྱ།། སྤངས་ན་འབྲས་བུ་རྙེད་པར་དཀའ།། འདི་ནི་མི་སྤང་དམ་ཚིག་གོ། ཤ་ཆེན་བཤད
283b5 གཅི་ཁུ་བ་ཁྲག། གདོད་ནས་དག་པའི་རང་བཞིན་ཏེ།། ཟས་མཆོག་དམ་པ་བདུད་རྩིའི་དངོས།། མི་འདོར་བ་ཡི་དམ་ཚིག་གོ།། རྫུན་དང་ཚིག་རྩུབ་ཕྲ་མ་དང་།། སྦྱོར་བ་དང་ནི་བརྐུ་བ་དང་།། སྒྲོལ་བ་ཆེན་པོའི་དམ
283b6 ག་ནི།། བདེ་གཤེགས་ལྔ་ཡི་མཛད་སྤྱོད་དེ།། སྐུད་པར་བྱ་བའི་དམ་ཚིག་གོ། ཡན་ལག་བཅོ་ལྔའི་དམ་ཚིག་ནི།། ལུས་ངག་ཡིད་གསུམ་དམ་ཚིག་སྟེ།། སྲོག་ལ་བབ་ཀྱང་མི་གཏང་སྟེ།། བཏང་ན་འབྲས་བུ་ཡོངས་མི
iiif viewer powered by OpenSeadragon
