| e-texts navigator |
| Wylie |
283a1 མཐའ་མེད།། རྡོ་རྗེའི་ཚིག་གི་ལུ་གུ་རྒྱུད།། འདི་ལ་རྣལ་འབྱོར་དམ་པས་བླང་།། འདི་མེད་འབྲས་བུ་འབྱུང་མི་སྲིད།། ཡན་ལག་དམ་ཚིག་འདའ་དཀའི་ཆོས།། རྡོ་རྗེ་བླ་མ་སློབ་དཔོན་ལ།། རྣམ་པའི་བྱེ
283a2 བྲག་གིས་ཀྱང་ནི།། མཉེས་བྱ་སྲོག་ལ་བབ་ཀྱང་བཀུར།། དམ་ཚིག་དབང་དང་ཤེས་རབ་རྒྱུད།། མན་ངག་སྟོན་པའི་སློབ་དཔོན་ལ།། ཇི་ལྟར་བལྟ་ཞིང་བཀུར་བ་ནི།། དམ་ཚིག་དབང་གི་སློབ་དཔོན་ལ།། འཇིག་རྟེན
283a3 ཕ་བཞིན་བལྟ་ཞིང་བཀུར།། ཤེས་རབ་རྒྱུད་ཀྱི་སློབ་དཔོན་ལ།། ཇི་ལྟར་བལྟ་ཞིང་བཀུར་བ་ནི།། འཇིག་རྟེན་མ་བཞིན་བལྟ་ཞིང་བཀུར།། མན་ངག་སྟོན་པའི་སློབ་དཔོན་ལ།། བཀུར་ཞིང་བལྟ་བར་བྱ་བ་ནི།། འཇིག།
283a4 རྟེན་མིག་འབྲས་བཞིན་དུ་བལྟ།། དེ་ཡིས་བསྒོ་བ་བཞིན་དུ་མཉན།། དེ་བཞིན་མཛེས་པ་དབུལ་བར་བྱ།། རྫས་དང་སྤྱོད་པ་སྣ་ཚོགས་པས།། མཉེས་པར་བྱ་ཞིང་དགོས་པ་དབུལ།། བླ་མའི་འཁོར་དང་རྡོ་རྗེ
283a5 སྦྲསྤུན།། གཅིག་ལ་གཅིག་ནི་མངན་མི་བྱ།། ཁ་ན་མ་ཐོ་ཐམས་ཅད་བསྲུང་།། གཅིག་ལ་གཅིག་ནི་མིག་བཞིན་བལྟ།། འདི་ནི་སྐུ་ཡི་དམ་ཚིག་གོ། དང་པོ་ཁས་བླངས་དམ་བཅས་བཞིན།། རྒྱ་བཅས་སྔགས་འདི་རྒྱུན་མི
283a6 གཅད།། ཏིང་འཛིན་བྱེ་བྲག་ཉམས་སུ་ལེན།། དངོས་གྲུབ་དམ་པ་འབྱུང་བའི་རྒྱུ།། འདི་ལ་རྟག་ཏུ་བདག་གནས་ན།། འདི་ནི་གསུང་གི་དམ་ཚིག་གོ། ཕྱི་ནང་ཉམས་སུ་བླངས་པ་བཞི།། བར་གསང་ཏིང་འཛིན་བྱེ་བྲག
iiif viewer powered by OpenSeadragon
