| e-texts navigator |
| Wylie |
282b1 བྲི།། བདུད་རྩི་ལྔ་ཡིས་ལུས་ལ་བྱུག། ཐལ་བ་ཆེན་པོས་འཐས་པར་བྱ།། ཁང་པའི་གྲཝ་བཞིར་བཏགས་ནས་ནི།། སྟོངས་སྟབས་བྱས་ནས་ཧ་ཧས་གདབ།། གུ་གུལ་གྱིས་བྲིས་འཁོར་ལོ་ནི།། སྟེང་གི་ཕྱོགས་སུ་བཏགས
282b2 ནས་ནི།། ཁྲོས་པས་ཐལ་མོ་ལན་གསུམ་བརྡབ།། ལྷ་དང་ཀླུ་དང་གནོད་སྦྱིན་དང་།། སྲིན་པོ་འབྱུང་པོ་མ་ལུས་པས།། དེ་ལ་ཚུགས་པར་མི་འགྱུར་རོ།། རྣལ་འབྱོར་ཆེན་པོས་བསྲུང་བར་བྱ།། ཞེས་གསུངས་སོ།། རྒྱུད
282b3 ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ་ཀཱི་ལ་ཡ་བཅུ་གཉིས་ཀྱི་མདོ་ལས་ཕྲིན་ལས་བཞིའི་ལེའུ་སྟེ་ཉི་ཤུ་རྩ་གཉིས་པའོ།། །། དེ་ནས་ཡང་ཀརྨ་ཧེ་རུ་ཀས།
282b4 བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་ལ་འདི་སྐད་ཅེས་གླེངས་སོ།། ཀྱེ་ཀྱེ་བཅོམ་ལྡན་བཀའ་ཡི་བདག། ལས་ཀྱི་བྱེ་བྲག་གསུང་ལགས་ན།། བསྲུང་བར་བྱ་བའི་དམ་ཚིག་གང་།། བདེ་བར་གཤེགས་པས
282b5 ལུང་བསྟན་གསོལ།། ཞེས་གླེངས་པ་དང་། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས་འདི་སྐད་ཅེས་བཀའ་སྩལ་ཏོ།། ཉོན་ཅིག་ཀརྨ་ཧེ་རུ་ཀ། བསྲུང་བར་བྱ་བའི་དམ་ཚིག་ནི།། ས་མ་ཡ་དང
282b6 འབུམ་སྡེ་ལས།། མདོ་ཡི་དམ་ཚིག་དམ་པ་ནི།། བརྗོད་མེད་བརྗོད་བྲལ་ངོ་བོ་མེད།། འདི་ལས་གང་དུའང་མི་གཡོ་ལ།། སྐུ་གསུང་ཐུགས་ཀྱི་དམ་ཚིག་མཆོག། འདི་ནི་དམ་ཚིག་རྡོ་རྗེ་སྟེ།། འདི་གྲུབ་ཉམས་པའི་དུས
iiif viewer powered by OpenSeadragon
